अर्थ / व्यापार




३० घण्टापछि टेलिकमको रिचार्ज नहुने समस्या हट्यो


काठमाडौं/
नेपाल टेलिकमको रिचार्जमा देखिएको समस्या झण्डै ३० घण्टापछि समाधान भएको छ । हिजो विहानैदेखि टेलिकमको एनटी रिचार्ज सिस्टममा समस्या आएको थियो ।


सिस्टम अपग्रेड गर्ने क्रममा आएको समस्या भर्खरै हटेको टेलिकमका सह-प्रवक्ता डिल्लीराम अधिकारीले जानकारी दिए । ‘हिजो विहानैदेखि एनटी रिचार्ज कार्डबाट रिचार्ज हुन सकेको थिएन’ अधिकारीले भने,’सिस्टमलाई पुरानै अवस्थमा ल्याएर भर्खरै रिचार्ज सुचारु गरेका छौं ।’


सिस्टमका समस्या आएपछि टेलिकमले रिचार्ज सिस्टम अपग्रेडिङलाई पनि रोकेको छ सफ्टवेयरमा समस्या आएपछि झण्डै ३० घण्टा जति रिचार्ज गर्न समस्या भएको थियो । टेलिकमको अनलाइन , एमपीअोएस  र नमस्ते रिचार्ज सिस्टममा भने समस्या थिएन ।


चिनीको मूल्य ६३ रुपैयाँ तोक्न सरकारलाई निर्देशन - 2018-10-04

काठमाडौ,(प्रस): संघीय संसदको सार्वजनिक लेखा समितिले प्रतिकेजी चिनीको मूल्य ६३ रुपैयाँ कायम राख्न सरकारलाई निर्देशन दिएको छ। समितिको बिहिबार सिंहदरबारमा बसेको बैठकले चिनीको खुद्रा विक्री मूल्य प्रतिकेजी ६३ रुपैयाँ कायम राख्न उद्योग, वाणिज्य तथा आपूर्ति मन्त्रालयलाई निर्देशन दिएको हो।

जुनार सुपरजोनको म्याद १० वर्ष थपिन्छ: कृषी मन्त्री चक्रपाणी खनाल - 2018-10-04

विदेशीएका युवाहरुलाई जुनारमा काम गर्ने वातावरण बनाउनु पर्छ: गजुरेल- केही दिनभित्रै प्राविधिक सहितको नयाँ कार्यालय प्रमुख आउनेकृषी तथा पशुपन्छी व्यवस्था मन्त्री चक्रपाणी खनाल बलदेवले सिन्धुलीको जुनारमा देखिएको रोगकिराको प्रकोप जुनार किसानको नभएर अव नेपाल सरकारको भएको र त्यसलाई नियन्त्रणका लागि केही दिन भित्रै प्राविधिक सहितको नयाँ टिम पठाउने बताउनु भएको छ ।

रामपुरमा हुने अन्तर्राष्ट्रिय पोल्ट्रीविज्ञ सम्मेलनको तयारी तीव्र - 2018-10-04

चितवन,(प्रस): आगामी कार्तिक ११ देखि १३ गतेसम्म चितवनको कृषि तथा वन विज्ञान विश्वविद्यालयमा हुने अन्तर्राष्ट्रिय पोल्ट्री विज्ञ सम्मेलनको तयारी तीव्र बनाइएको छ । विश्वविद्यालयले आज भरतपुरमा पत्रकार सम्मेलन गरी कार्यपत्रहरु आइसकेको र तयारी अन्तिम चरणमा पुगेको जनाएको छ ।

जुट युग सकिँदै, वार्षिक डेढ अर्ब विदेशियो - 2018-10-04

मोरङ,(प्रस):पाँच बिगाहामा जुट लगाएका झापा गौरादहका रमेश कार्कीले लगानी भन्दा कम आम्दानी भएपछि जुट अर्थात (पट्वा) खेती लगाउन छाडेका छन् । कार्कीले हाल धान खेती गर्दै आएका छन् । धान उत्पादक कृषक भनेर चिनिने कार्कीले भने, ‘आम्दानीभन्दा लगानी बढी छ, जुट खेती गरेर फाइदा हुँदैन के गर्नु ?’

नेपालका बैंकमा उत्तर कोरियाली ह्याकरको निशाना - 2018-10-01

काठमाडौ,(प्रस): गत साउनमा भारतीय बैंकबाट ९६ करोड भारतीय रूपैयाँ चोरी भयो। पुनेमा मुख्यालय रहेको कसमस बैंकको सिस्टम नै ह्याक गरी उक्त रकम चोरी भएको थियो। भारतीय सञ्चारमाध्यमका अनुसार उत्तर कोरियाली ह्याकर समूह लजारस ग्रुपले बैंकको डाटा ह्याक गरी रकम चोरेको हो।

दूध, पानी र तेलका धेरै उद्योग मापदण्डविपरीत : कृषिमन्त्री - 2018-09-30

काठमाडौ,(प्रस): कृषि तथा पशुपंक्षी विकासमन्त्री चक्रपाणि खनालले दूध, पानी र तेलका अधिकांश उद्योग मापदण्ड विपरीत सञ्चालन भइरहेको बताएका छन् । आइतबार संसदको कृषि समितिमा उनले मापदण्ड विपरीत सञ्चालित उद्योगलाई कानुनको दायरामा ल्याउन प्रयास भइरहेको दावी गरे । काठमाडौंमा पानीका करिब दुई सय उद्योग रहेको भन्दै मन्त्री खनालले त्यसमध्ये ५/६ वटामात्रै मापदण्डअनुसार सञ्चालन भएको पाइएको जानकारी दिए ।

चितवनसम्मै पेट्रोलियम र ग्यासको पाइपलाइन ल्याउन सहमति, चितवनसम्म पाइपलाइन - 2018-09-28

काठमाडौ,(प्रस): भारतको मोतिहारीदेखि चितवनसम्म ग्यास र पेट्रोलियम पाइपलाइन विस्तारका लागि नेपाल र भारतका वीचमा सहमति भएको छ। शुक्रबार नेपाल र भारतका वीचमा भएको मन्त्रीस्तरीय छलफलमा पेट्रोलियम र एलपीजी ग्यासको पाइपलाइन चितवनसम्म विस्तार गर्ने सहमति भएको हो।

नेपाल-चीनबीच ऊर्जा संयन्त्रको बैठक सुरू - 2018-09-28

काठमाडौ,(प्रस): नेपाल र चीनबीच ऊर्जा क्षेत्रमा द्विपक्षीय सहयोग र साझेदारीलाई प्रभावकारी रुपमा अगाडि बढाउने लक्ष्यका साथ शुक्रबारदेखि यहाँ ऊर्जा संयन्त्रको बैठक सुरु भएको छ। बैठकमा नेपालका तर्फबाट ऊर्जा, जलस्रोत तथा सिँचाइ मन्त्रालयका सचिव अनुपकुमार उपाध्याय र चीनका तर्फबाट इन्टरनेशनल इकोनोमिक डिपार्टमेन्टका उपमहाप्रबन्धक हि याङले नेतृत्व गरेका छन्।

दशैंको मुखमा सरकारले बढायो विदेशबाट आउने सामानको मूल्यांकन: जनताको ढाड सेक्दै सरकार - 2018-09-26

काठमाडौ,(प्रस): सरकारले दशैंको पूर्वसन्ध्यामा केही वस्तुको भन्सार मूल्यांकन बढाएको छ। विदेशबाट आयात हुने वस्तुमा भन्सार मूल्यांकन बढाउँदा त्यसको प्रत्यक्ष असर उपभोक्तालार्इ पर्छ। एक महिनाअघि भन्सार व्यवस्थापन गोष्ठीका आधारमा भन्सार विभागले नयाँ सन्दर्भ मूल्यसूची (रेफरेन्स भ्यालु) तय गरेको छ। भन्सार मूल्यसूचीमा राखिएको मूल्य व्यवसायीले विदेशमा किनेको मूल्यभन्दा महँगो राखिएको छ।

बजेटबाट भ्याट फिर्ता सुविधा हटाएपछि सरकारले उखु किसानलाई पैसा दिँदै, बैंक खाता अनिवार्य - 2018-09-26

काठमाडौ,(प्रस): चिनीमा मूल्य अभिवृद्धि कर (भ्याट) फिर्ता खारेजीपछि अर्थ मन्त्रालयले पहिलोपटक उखु किसानका लागि नगद अनुदान हस्तान्तरणको तयारी गरेको छ। विभिन्न जिल्लाका उखु किसानका लागि पहिलो किस्तामा साढे ३८ करोड रुपैयाँ हस्तान्तरण गर्न लागिएको हो। सरकारले 'उखु किसानलाई अनुदान दिने सम्बन्धी कार्यविधि, २०७५' को व्यवस्थाअनुसार उखु किसानलाई प्रतिक्विन्टल ६५ रुपैयाँ २८ पैसा फिर्ता गर्ने निर्णय गरेको थियो। त्यसैअनुसार उखु किसानले पाउने गरी सम्बन्धित जिल्लाको भुक्तानी समितिमार्फत रकम वितरण गर्न लागिएको हो।

उपत्यकाका २२ ठाउँबाट नयाँ नोट पाइने - 2018-09-26

काठमाडौ,(प्रस):उपत्यकाका २२ ठाउँबाट दसैँका लागि आवश्यक नयाँ नोट साट्न पाइने भएको छ। सरकारी स्वामित्व रहेका तीन बैंकका २१ शाखा कार्यालय र राष्ट्र बैंकको थापाथली कार्यालयबाट नयाँ नोट सटही गर्न पाइनेछ।

चितवनसम्मै ग्यास र तेलको पाइपलाइन बिछ्याउन भारतसँग प्रस्ताव गरिँदै - 2018-09-25

काठमाडौ,(प्रस): नेपालले चितवनसम्म नै पेट्रोलियम ग्यास र तेलको पाइपलाइन निर्माण गर्न भारतसमक्ष प्रस्ताव गर्ने भएको छ । बुधबारबाट काठमाडौंमा सुरु हुने नेपाल भारत पेट्रोलियम संयुक्त कार्य सूमहको बैठकमा नेपालले यस्तो प्रस्ताव गर्न लागिएको हो ।

सार्वजनिक यातायातको भाडा १० प्रतिशत बढ्यो - 2018-09-22

काठमाडौ,(प्रस): दशैंको मुखमा सार्वजनिक यातायातको भाडा बृद्धि भएको छ । यातायात व्यवसायीहरूले दशैंको अग्रिम टिकट बुकिङ नै रोकेपछि सरकार १० प्रतिशत भाडा बढाउन सहमत भएको हो । हालै मात्र इन्धनको मूल्य बृद्धि भएपछि व्यवसायीले ५ गतेबाट खुला गर्ने भनिएको अग्रिम टिकट बुकिङ रोकेका थिए ।

भारत लैजान लागिएको १४ सय किलो मरिच बरामद - 2018-09-21

पर्सा,(प्रस):पर्सा प्रहरीले १४ सय केजी मरिच बरामद गरेको छ। सिमावर्ती क्षेत्र वीरगन्ज महानगरपालिका–१ बाट भारत लैजान लागिएको अवस्थामा बिहीबार राति साढे ११ बजे मरिच बरामद गरिएको हो। पर्सा प्रहरी कार्यालयका अनुसार १४ वटा साइकलमा ५६ बोरा मरिच बरामद भएको छ। बरामद साइकल र बोरा वीरगन्ज भन्सार कार्यालयमा कारबाहीको लागि पठाइएको प्रहरीले जनाएको छ।

यातायात व्यवसायीको चेतावनी : इन्धनको मूल्यवृद्धि फिर्ता नलिए अग्रिम टिकट बुकिङ गर्दैनौं - 2018-09-18

काठमाडौ,(प्रस): यातायात व्यवसायीहरुले सरकारले सोमबार गरेको इन्धनको मूल्यवृद्धि फिर्ता नलिए दशैंका लागि अग्रिम टिकट बुकिङ नगर्ने चेतावनी दिएको छ । महासंघका अध्यक्ष योगेन्द्र कर्माचार्यद्वारा जारी विज्ञप्तिमा भनिएको छ- मंगलबार विज्ञप्ति जारी गरी नेपाल यातायात व्यवसायी राष्ट्रिय महासंघले सरकारले ४८ घण्टाभित्र मूल्यवृद्धि फिर्ता नलिए दशैंको अग्रिम टिकट बुकिङ खुल्ला गर्न बाध्य नहुने बताएको छ ।

चर्कियो अमेरिका-चीन व्यापार युद्ध - 2018-09-18

काठमाडौ,(प्रस): अमेरिकी राष्ट्रपति डोनाल्ड ट्रम्पले दुई सय अर्ब डलर बराबरका चिनियाँ सामानको आयातमा भन्सार शुल्क बढाउने निर्णय गरेपछि दुई आर्थिक महाशक्तिबीच जारी व्यापार युद्ध थप चर्किएको छ। राष्ट्रपति ट्रम्पले सोमबार सेप्टेम्बर २४ देखि दुई सय अर्ब डलर बराबरका चिनियाँ सामानमा थप दश प्रतिशत भन्सार शुल्क लगाउने घोषणा गरेका छन्।

जमीन व्यवस्थापनलाई प्राथमिकतामा राखेको छुः कृषिमन्त्री - 2018-09-16

काठमाडौ,(प्रस): कृषिमन्त्री चक्रपाणि खनालले कृषिको व्यवसायीकरणका लागि जमीन व्यवस्थापनलाई आफूले पहिलो प्राथमिकतामा राखेको बताएका छन् । ‘कृषिमा व्यवसायीकरणका लागि जमीन व्यवस्थापन नगरि हुँदैन । व्यावसायिक रुपमा कृषि गर्नका लागि नेपालमा जमिन नै छैन्,’ कृषि मन्त्रालयमा आइतबार भएको राष्ट्रिय किसान आयोगको वार्षिक प्रगिति समीक्षामा मन्त्री खनालले भने ।

सरकार आफैले बनाएको योजना कार्यान्वयन गरेन - 2018-09-16

काठमाडौ,(प्रस): सरोकारवालाहरुले सरकारलाई २० वर्षे कृषि रणनीतिको प्रभावकारी कार्यान्वयन गर्न सुझाएका छन् । कृषि मन्त्रालयमा आइतबार आयोजित राष्ट्रिय किसान आयोगको वाषिर्क प्रगति समीक्षामा उनीहरुले सरकार आफैले बनाएका योजना कार्यान्वयन नगरेको आरोप लगाए । तर, कृषि राज्यमन्त्री रामकुमारी चौधरीले पाँच वर्षमा कृषि उत्पादन दोब्बर गर्ने सरकारको लक्ष्य अनुरुप काम भइरहेको बताइन् ।

दशैंका लागि अग्रिम टिकट बुकिङ असोज ५ गतेदेखि खुल्ने - 2018-09-16

काठमाडौ,(प्रस): दशैं मनाउन काठमाडौं उपत्यकाबाट आफ्नो घर जाने यात्रुका लागि असोज ५ गतेदेखि अग्रिम टिकट बुकिङ खुला हुने भएको छ । आइतबार सरकारसँग भएको वार्तापछि यातायात व्यवसायी असोज ५ गतेदेखि अगि्रम टिकट बुकिङ खुला गर्न तयार भएका हुन् ।

सिन्धुलीको जुनारमा राष्ट्रिय वाणिंज्य बैंकको करोडौ लगानी ! - 2018-09-12

व्यवसायिक बन्दै जुनार किसान सिन्धुलीः राष्ट्रिय बाणिंज्य बैंक सिन्धुली शाखाले नेपालमैं पहिलो पटक मौलिक फलफलुका रुपमा चिनिएको जुनार उत्पादन र बजारीकरण गर्नका लागि किसानहरुलाई सस्तो व्याज दरमा करोडौं रुपैयाँ लगानी गरेपछि जुनार किसानहरुमा उत्साह थपिएको छ ।

तीज उद्यमी व्यापार मेला सकियो - 2018-09-09

सिन्धुली,(प्रस): तीजको अवसर पारेर जिल्लामा दुई दिने प्रथम तीज उद्यमी व्यापार मेला आज सकिएको छ । कमलामाई नगरपालिका सिन्धुली र महिला उद्यमी संघ सिन्धुलीको संयुक्त आयोजनामा उक्त मेला सुरु भएको थियो । मेलाको प्रदेश नं. ३ का सांसद प्रदिप कटुवालले समापन गरेका थिए ।










Powered by: Exclusively Solution