विचार




सरकारका दुई वर्ष : जनतामा हर्ष न विस्मात


अवसरका हिसावले दुर्लभ, झण्डै दुई तिहाई बहुमत, जिम्मेवारीका हिसावले संविधान र संघीयता कार्यान्वयनको ऐतिहासिक कार्यभार, अवसरका हिसाबले करीव दुई दशक विकास ठप्प प्रायः भएको अवस्थाको अन्त्य गर्ने मौका । वर्तमान केपी ओली नेतृत्वको नेपाल कम्युनिस्ट पार्टी (नेकपा) को सरकारलाई चौतर्फी फलीफाप हुने अनुकूल अवस्था नै थियो ।


इतिहासमा नै यो स्तरको सुखद सम्भावनाका साथ जननिर्वाचित वाम सरकारले फागुन २, २०७६ मा सत्ता सञ्चालनको दुई वर्षे हिसाव लगाइरहदा, सरकारका पक्षमा घरघरमा दीपावली हुनुपर्ने हो । किनभने जनताले मतदानमार्फत् आफ्नो भाग्यको फैसला गर्न अख्तियारी दिएको सरकारसँग जनता धेरै धेरै आशावादी थिए । 

तर, प्रधानमन्त्री ओलीले शनिवार सरकारका कामका फेहरिस्त संसद सम्बोधनमार्फत् पस्किरहदा जनतामा सरकारलाई सुन्ने उत्साहित जनमत खासै देखिएन । रोस्ट्रमबाट प्रधानमन्त्री बोलिरहे, जनताले उनका कुरा कान थापे । ताली र जयजयकार खास गरेनन् । जनतालाई आश्वस्त, विश्वस्त पार्न तथ्य, तथ्याङ्क सबथोक लिएर संसदमा खडा भएका प्रधानमन्त्रीका वाणी उसै पनि जनताका लागि कर्णप्रिय लाग्थे । तर, यसपटकको प्रधानमन्त्रीको सम्बोधन खासै चर्चित भएन । सरकारले पाउनुपर्ने स्तरको वाहवाही पाएन । 

यसको मतलव दुई वर्षमा सरकारले जनताका मन जित्ने त्यस्तो धेरै काम गर्न नसकेको नै हो । केपी ओली नेतृत्वको सरकार गठन भएकै दिन जन्मेको वच्चा कोही थिए भने ती दुई वर्षे वालक भइसके । दुई वर्षे वालकको उमेर र एउटा स्थायी, स्पष्ट बहुमतको सरकारको अवधि समयको सीमामा मात्रै जोडिन्न । एउटा स्थिर सरकारको दुई वर्ष काम र उपलव्धिका हिसाबले पर्याप्त समय होइन, तर अपुग र छोटो समय पनि होइन । यस अर्थमा वर्तमान सरकारको दुई वर्ष सरकारले दावी गरे जस्तो रामराज्य स्थापनाको आरम्भ चरणमा पनि छैन, आलोचकहरुले देखे जस्तो कामशून्य पनि होइन ।

मूर्छित सपनाहरु व्युझाउँदै समृद्धिको सपना यात्रामा सरकारले आमजनतामा सुरुमा ठूलो आशा जगायो । सरकारको हनिमुन पिरियड सरकारको विरुद्ध चुँ पनि नबोली सकियो । सरकारको पहिलो वर्ष पनि खासै आलोचनाबिना नै सकियो । तर, दोस्रो वर्ष पनि बितिसक्दासम्म सरकारको कामको आलोचना प्रतिपक्षबाट कम र जनस्तरबाट बढी भएको छ । यो नै सरकारको लागि उपलव्धिका फेहरिस्तप्रति जनताको विमतिको सूचक हो ।

काण्डैकाण्ड, विवादैविवाद, आलोचना नै आलोचना । सरकारको खातामा जनताले दुई वर्षमा यस्तै प्रसङ्गहरु मात्रै धेरै देखे, भोगे । ललिता निवासकाण्ड, होली वाइनकाण्ड, रहस्यमयी निर्मला हत्याकाण्ड, वाइडबडी भ्रष्टाचारकाण्ड, यति समूह लिज काण्ड, भाषण र कार्यालयमा सीमित पानी जहाज र रेल सपना, रहस्यमयी ३३ किलो सुनकाण्ड, एमसीसी विवाद, प्रचारमा सीमित सामाजिक सुरक्षा कार्यक्रम, अलपत्र भिजिट नेपाल जस्ता कार्यक्रमहरुको ऐनामा जनताले सरकारलाई गहिरा प्रश्नहरुसहित हेरिरहे, यस दुई वर्षमा । सरकारले मन जित्यो निश्चित स्वार्थ समूह, उच्च तथा मध्यम वर्गीय नयाँ घराना, मुट्ठीभर बीचौलिया, दलाल वर्गको मात्रै । यस कारण गरिखाने वर्गका किसान, महिला, युवा, जनजाति, पिछडिएको वर्ग तह र तप्काका जनताको ठूला हिस्सासँग सरकारको काम एकाकार हुन सकिरहेको छैन ।

प्रधानमन्त्रीले भने जस्तै सिंहदरवार परिसर बाहेक जनता सडकमा छन्, ती धुलाम्यै र हिलाम्ये हुने नियतिकै शिकार छन् । प्रधानमन्त्रीले संसदमा कामका हिसाब लगाउँदै गर्दा गृहिणीहरु लसुनको भाउले जिब्रो टोक्दैछन् । बजार कति अनियन्त्रित छ, सडक कति समस्याग्रस्त छन् ? यस्तै साना साना प्रसङ्गले सरकारको दाबीलाई गिज्याइ रहन्छन । जनताको तप्का भुइ मान्छे सरह, आफ्नो जीवन दैनिकीमा वाम सरकार आएपछि पनि खासै उल्लेखनीय परिवर्तन वा उपलव्धि नभइरहदा गम खाइरहेका छन् । किनकि जनतालाई लागेकै हो, वाम सरकार आएपछि उत्पीडित जनता नै लाभान्वित हुने पहिलो वर्गमा पर्छन ।

तर, दिनको घाम जत्तिकै छर्लङ्ग छ कि वाम सरकार पनि औसत अघिल्ला सरकारहरुभन्दा जनमुखी काम कारवाहीका दृष्टिले उन्नत बन्ने बाटोमा दुई वर्षसम्मको अन्तरालमा पनि देखापर्न सकिरहेको छैन । राजनीतिक रुपमा एउटा युग छिचोलेर आएको सरकारबाट जनता आफ्नो जीवन दैनिकीमा नै आनका तान फरकपनाको महसुस गर्न उद्देलित हुने तर सरकार न खरायोको गति, न कछुवाको चालमा रहदैमा सरकारका दुई वर्ष पूरा भए । हो, यहीनेर सरकार र जनताका बीचमा विश्वासको खाडल बन्यो ।

स्थिर सरकार जनताको छनौट थियो तर त्योसँगै जनताको माग थियो सुशासन । तर सुशासन र जनतालाई डेलिभरी दिने मामलामा ओली सरकार जुन जोगी आए पनि कानै चिरेका भन्ने आख्यान भन्दा उच्च र भिन्न साबित हुन सकिरहेको छैन । सरकारले अब त केही गर्छ, सरकार जनताको पक्षमा घनीभूत रुपमा काम गरिहेछ भन्ने जनविश्वास आर्जनमा सरकार दुई वर्षसम्म अल्मल्लियो । यही हो, सरकारको बुझाइ र गराइले जनताको मन जित्न नसकेको यथार्थ । 

भ्रष्टाचार विरुद्ध शून्य सहनशीलताको नीति लिएका प्रधानमन्त्रीले संसदमा भ्रष्टाचार घटेका दृष्टान्त सुनाइरहदा गाउँगाउँ र टोलटोलमा विकासका नाममा भइरहेका आर्थिक अनियमितताका कर्महरुहरुको तल्लो तहका जनता मौन रमिते बनेका छन् । उनीहरु आफूले पाउनुपर्ने निशुल्क सेवाहरु करहरुको भारले थिचिदा सरकारप्रति धन्य हुन सकिरहेका छैनन् ।

तथापि, प्रधानमन्त्रीले दाबी गरे जस्तै यो सरकारले पाँच वर्षे कार्यकालमध्ये पहिलो वर्षलाई आधार वर्ष र दोस्रो वर्षलाई आरम्भ वर्ष मानेर दीगो विकासका काम थालेको हो भने जनताको चित्त बुझाउने विषय हुन सक्छ । तर, यही गति र मतिले होइन, सरकार पूरै सुध्रिएर घोषित नीति कार्यान्वयनमा निर्मम हुन सक्नुपर्छ ।

सरकारले नीति र कार्यक्रमहरु बनाउँदा आक्रामक हुने र कार्यान्वयन चरणमा जाँदा पुरातन कर्मचारी संयन्त्रको जिम्मा छाडिदिने र मन्त्रीहरु भाषण तथा उद्घाटनमा सीमित हुने रोगबाट यो सरकार पनि मुक्त नहुदा जनतालाई दिनुपर्ने स्तरको सन्तोष सरकारले दिन नसकेको तथ्य सरकारका हर सदस्य र अङ्गले आत्मबोध गर्न सके मात्रै पनि समस्याको जरा पत्ता लाग्छ । अहिले सरकार र कर्मचारीको काम गराई पद्धतिमा नै व्यापक समस्या छन् । कर्मचारी जनताका सेवक होइनन् कि समानान्तर सत्ता झै क्रियाशील छन् । राजनीतिक सरकारलाई निजामती सरकारले फेल गराइदिने शैलीमा क्रमभङ्गता आउन नसकेको चुरो कुरो यो सरकारले बुझेर आवश्यक सुधार गर्न ढिलो नगरे मात्रै सरकारले आफ्नो लक्ष्य हासिल गर्न सक्ने छ ।

सरकारका काम गराइको ढंग नमिल्नु र गरिएका, भएका राम्रा कामको पनि उचित प्रचार हुन नसक्नु यो सरकारको दुर्भाग्य नै हो । पार्टी ठूलो, कार्यकर्ता धेरै, जनमत ठूलो, संरचना सबै ठूला, तर सिङ्गै पार्टीपंक्ति सरकारका काम कार्वाहीप्रति या त मौन, या त रमिते रहने प्रवृत्तिले पनि सरकारले राम्रा कामका वावजुद पनि समर्थन पाउन नसकेको यथार्थ पनि हो ।

सरकारले नै पार्टी सञ्चालन गर्न खोज्दा, पार्टीको सर्वोपरी स्वीकार्यतालाई सरकारमा रहेकाले मनन नगर्दा यस्तो उल्टो परिणाम आएको यथार्थलाई अब सरकारले सुधार गर्न सकेमा र पार्टीपंक्तिलाई विश्वासमा लिएर, पार्टीको नीति, विधिलाई सरकारले मानेर अघि बढेमा सरकार आफैं रक्षात्मक हुनुपर्ने स्थितिको अन्त्य भई, सरकारको कामको प्रचारमा पार्टी पंक्ति अगाडि आउने छ । त्यतातिर पनि अब सरकारले ध्यान दिनुपर्ने अवस्था छ । सरकारलाई प्रतिपक्षी नेपाली कांग्रेस वा अन्य साना र मधेशवादी दलको खास असहयोग रहेन दुई वर्षमा । यसको मतलव राजनीतिक उल्झन र तगारा बिना सरकारले काम गर्न पाएकै हो । सरकारलाई अन्य दलले आच्छु आच्छु नपार्दा पनि सरकार आक्रामक रुपमा कामकाजी हुन नसक्नु सरकारकै सदस्यहरुको कमजोरी हो, जो सुधारिनु पर्छ भन्ने नै दुई वर्षे कार्यकालको पाठ हो ।

छिमेक मामलामा सम्बन्ध सुधार गर्न, विश्वास जित्न सरकार सफल रहेको हो । चीन र भारतका उच्च तहका राजनीतिक भ्रमणले सरकारप्रति छिमेकीको विश्वास बढाएको प्रमाण दिन्छन । तथापि, चीनसँगका बीआरआई लगायतका सन्धि सम्झौताहरु कार्यान्वयनको चरणमा नदेखिनु, भारतसँग कालापानी सीमा समस्या नयाँ ढंगले बल्झिनु यो सरकारको लागि अपजस पाउने मुद्धा मात्रै होइनन्, सरकार अझ परिपक्व ढंगमा कर्मशील हुन नसकेका उदाहरण नै हुन ।
एमसीसी सहायताका नाममा इण्डो प्यासिफक रणनीति अन्र्तगत अमेरिकी सेनालाई रातो कार्पेट बिच्छ्याउने गरी भएको सम्झौता र त्यसले देशभित्र, पार्टी र सरकारभित्रै ल्याएको विवाद यो सरकारको अपरिपक्व निर्णय हो । यसका पक्षमा बलपूर्वक उभिन खोज्ने प्रधानमन्त्रीको अडान सरकारको शाख गिराउने अस्त्र नहोस भन्नेमा प्रधानमन्त्री नै बढी सजग हुन आवश्यक देखिन्छ ।

घरेलु राजनीतिक शक्तिमा छुट्टै देश माग गर्ने डा. सीके राउतसँग अङ्कमाल गरेको सरकारले नेत्रविक्रम चन्द नेतृत्वको नेकपाका हकमा लिएको दमनको नीति कालान्तरमा सरकारका लागि आफ्नै खुट्टामा बन्चरो नै हुनेछ । यो राजनीतिक मुद्धालाई सरकारले बल प्रयोग गरेर गरिरहेको दमन अहिले सही जस्तो देखिए पनि यसको दीगो समाधानमा सरकारले राजनीतिक वार्ताकै माद्यम अपनाउनु पर्नेछ । दुई वर्षमा सरकारले विप्लवलाई शिथिल बनाएको हो, सिध्याउन सकेको होइन । एउटा वामपन्थी शक्तिविरुद्ध वाम सरकारकै दमन उसका लागि क्षणिक विजय मात्रै बन्नेछ । किनकि यो सरकारले विप्लवको राजनीतिक संघर्षलाई अपराधीकरण गरेर निमिट्यान्न पार्न असम्भव रहेको तथ्यमा ढिलो चाँडो सत्यबोध गरेर त्यसै अनुसार कदम चाल्न आवश्यक छ । 

सरकारले जनताको सेवा गर्ने हो । केन्द्र, प्रदेश र स्थानीय तहका सबै सरकारहरु अहिले एक हिसाबले बेलगाम झैं देखिन खोज्नु कसैको पनि हितमा छैन । पार्टीले सरकारमा गएकाहरुप्रति कडा निगरानी राख्न सके, सरकारका सदस्यहरुको कमीकमजोरी सच्चिने र पार्टीको शाख जीवित रहने हो । यसैले सरकारमा रहेकाहरुले आफै सर्वेसर्वा होइन कि म पार्टीको प्रतिनिधि वा सिपाही मात्रै हुँ भन्ने भावना आत्मसात गर्ने हो भने अझैं बाँकी तीन वर्षे अवधिमा सरकारले जनताका मन जित्ने धेरै काम गर्न सक्छ ।
काम गर्न खोजेको तर पाइएन भन्ने छुट छैन यो सरकारलाई । विरोधीले वाधा गरे भन्ने ठाउँमा पनि यो सरकार छैन । विदेशी, छिमेकीले मद्धत गरेनन् भन्ने पनि यथार्थ होइन । घरेलु प्रतिक्रियावादी शक्तिहरु वाधक रहे भन्दा पनि जनताले पत्याउने अवस्था छैन । किनभने देशभित्र वाम सरकार विरोधी कित्ताको शक्ति आफैंमा कमजोर छन् । जनताले सामाजिक सञ्जालमा गरेका विरोध वा आलोचनाकै प्रतिरक्षामा सरकारका सदस्यहरु समय कटाउने तहमा रहेर हुन्न, सरकारका कामको प्रचार गर्नेदेखि कामकाजी हुनेमा सरकारका सदस्य आफैं सुधारिएर नयाँ ऊर्जाका साथ काम गर्न सक्नुपर्छ । दुई वर्षमा सरकारले सिक्नुपर्ने वा समीक्षा गर्नुपर्ने अहम सवाल यही हो । समयबद्ध साप्ताहिकबाट




Related Pictures:













Related News:

राष्ट्रपतिद्वारा देशवासीलाई सम्बोधन - 2020-04-03

सशस्त्र प्रहरी र सिकारी समूहबीच गोली हानाहान - 2020-04-03

'पाेखरामा कोरोना भाइरसको पोजेटिभ केस छैन': स्वस्थ्य मन्त्रालय - 2020-04-03

जिटुजी गरिसकेपछि नेपाली सेनालाई औषधी ल्याउने जिम्मा दिइनु गलत: पूर्व प्रधानमन्त्री झलनाथ खनाल - 2020-04-03

कोरोनाभाइरसबारे सहयोग माग्ने अमेरिकी युद्धपोतका कमाण्डर यसकारण भए 'जिम्मेवारीमुक्त' - 2020-04-03





आरुबाटेलाई पसलेले सोध्छ्न् कान्छा मासु कति राखौं ? - 2020-04-03

अरुणकुमार थिङ्ग:फुलपातिको अघिल्लो दिन बेलुका आरुबोटे कान्छाकी बुढी ठुली साझमा घर आउछिन र एउटा पोका फुकाउदै भन्छिन :यो सटपाईट बिसाललाइ,यो कुर्तासरवाल ललितालाइ,यो लुङ्गी बुढालाई।विशाल खुशी हुँदै नयाँ कपडा लाउछ्न,बुवा अँध्यारो मुख लगाएका छ्न ,यतिकैमा ललिताको मनमा प्रश्न उठछ र सोध्छिन आमा हामीलाई त लुगा किनेर ल्याउनुभयो तपाईंलाई खोइ?ठुली भन्छिन:मैले पोहोर नै चारवटा सारी किनेकी छु नानी अझै दुइटा बाकी छ।

कोरोना भाइरस, पत्रकारको सुरक्षा र राहत प्याकेज - 2020-04-02

रामप्रसाद दाहाल:कोरोना भाइरस कोभिड उन्नाईसको महामारीबाट विश्व नै त्राहिमाम बनिरहेको बेला नेपाल त्यसबाट अछुतो रहन सकेन । यो त्रास कम गर्न, कोरोनाले ल्याएको विनास र त्यसको रोकथामका लागि सरकारले गरिरहेको प्रयास र लिइरहेको पहल जनता समक्ष पुर्याउने र नागरिकको सूचनाको अधिकारको सम्मान गर्ने दायित्व संचारकर्मीहरुले निर्वाह गरिरहेका छन् ।

वकिल बावुलाई डाक्टर छोराले यसरी लेखे चिठ्ठी: विरामीहरुको सेवा गर्दागर्दै शहिद भइएछ भने पनि गर्व को कुरा हो - 2020-04-02

डा. विप्लब लामिछाने, सिभिल अस्पिटल, बानेश्वरहाम्रो प्रिय कम्युनिष्ट सरकारका स्वास्थ्यमन्त्रीज्युले स्वास्थ्यकर्मीलाई पीपीई दिने कुरा हप्तादिन वितिसक्दा पनि प्रत्यक्ष देख्न पाइएको छैन, वरु यो पीपीई के हो भात पकाउने एफ्रोन भनेको सुन्न पाइयो । अनि एक नेताका परिवारले पीपीई लगाएर फेसवुकमा तस्वीर हालेर नाचेको देख्न पाइयो । त्यो पीपीई नेपालकी एक फ्लारेन्स नाइटिङ्गेललाई दिएको भए हुन्थ्यो ।

एसइई सम्बन्धि भ्रामक र असंवेदनशिल प्रचार गरियो - 2020-04-02

गिरिराजमणी पोखरेल:कोरोना महामारीलाई फैलन नदिन मन्त्रीपरिषदको निर्णयद्वारा चैत्र ११ गते बाट सुरु भएको लकडाउन पछिल्लोपटक म.प. ले थप हप्ता दिनलाई बढाएर २५ गते सम्म लाई निरन्तरता दिएको निर्णय सर्वबिदित नै छ। ।कोरोना महामारिका बिच उचित ब्यवस्थापन गर्दै चैत्र ६ बाट गर्न लागिएको एसइई परिक्षा ,तत्कालीन परिस्थितिको उच्च नेतृत्बाट गरिएको बिश्लेषण साथै मन्त्रालय र राष्ट्रिय परिक्षा बोर्डको समिक्षा पश्चात् स्थगन गरेको जानकारी पनि सबैमा रहेकै छ।

डाक्टर छोरालाई बाबुको चिठ्ठी, युद्धपछीकाे विजय उत्सवमा भेटाैला - 2020-03-31

विश्वम्भर लामिछाने:मलाई राम्रो थाहा छ, कोभिड–१९को कारण विश्वमा मानव जाति माथि ठुलो विपत आइपरेको छ। यसको सामना गर्न विश्वका माहाशक्ति राष्ट्रहरुलाई चुनौती बनेको छ। आणविक शस्त्र–अस्त्र निमाणको लागि बनाइएका भट्टीहरु यस युद्घमा निस्काम भएका छन्। यो महामारीको त्रासबाट भयभित भई सो भाइरसको सामना गर्न म स्वयम तिमी बाहेकका परिवारका सदस्यहरुलाई लिएर होम क्वारेन्टाइनमा बसी, महाभारतको यूद्धमा धृतराष्टले दरवार भित्र बसेर संजयको माध्यमबाट नरसंहार हेरेझै म पनि टुलु टुलु कोभिड–१९को कारण विस्वमा भएको नरसंहार हेरी बस्न विवस छु।

कोरोना कहर र नेताको रहर - 2020-03-31

डा. गोपालकृष्ण सिवाकोटी:शुरूमा "चाइनिज भाइरस्" भन्दै खिल्ली उडाउदै गर्दा आज आएर अमेरिकामा मृत्युलाई १ लाखमा सीमित गर्न सकियो भने त्यो सफलता हुने घोषणा गर्नु पर्‍यो राष्ट्रपति स्वयंले ! त्यो पनि करिव २५ सयको मृत्यु र ढ़ेढ लाखको हारहारीमा संक्रमित भैसकेपछी !“न्युयोर्क शहरलाई "क्वारेन्टाइन" गर्नु भनेको "अविवेकी" र "अमेरिका विरोधी" कदम हुन जान्छ-यसले स्टक मार्केट ध्वस्त बनाउंछ र अर्थतन्त्रलाई धरासायी बनाउंछ" भन्दै गभर्नरले मुनाफ़ामुखी वक्तब्य जारी गर्दै गर्दा दैनिक दर्जनौको मृत्यु भैरहेको तथ्य नज़रांदाज गरिएको छ ।

कोरोनाले उँचो र निचो भन्दैन, त्यसैले जिम्मेवार बनौं - 2020-03-31

प्रदीप कटुवाल:नेपाल उच्च जोखिममा रहेको कुरा विश्व स्वास्थ्य संगठनले वताएको केही दिनपछि नेपालमा पनि कोरोना भाइरसका ५ जना संक्रमित देखिए । यस रोगले जतिसुकै बलिया र धनी देश भएपनि उनीहरुलाई आच्छु आच्छु पारिरहेको छ । हतियार र सेनाको बलमा बिश्वमा साम्राज्य फैलाउन खोजेको अमेरिका जस्ता देशहरु अहिले कोरोना संक्रमणबाट हारगुहार गरिरहेका छन् । औषधी र डाक्टरको अभाव भइरहेको छ । स्वास्थ्य क्षेत्रमा विश्वमै अब्बल मानिएको युरोपेली देश इटलीमा त्यहाँको सरकारले नसकेपछि चिनबाट डाक्टर र औषधी बोकेर ठूलो टोली पुगिसकेको अबस्था छ ।

कोरोना संक्रमणः नगरवासीको सुरक्षा र मेरो जिम्मेवारी - 2020-03-30

खड्गवहादुर खत्री:हामी अहिले सवैजना एउटै साझा चुनौतीसँग लडिरहेका छौं र त्यो चुनौती भनेको विश्वब्यापी कोरोना भाइरसको संक्रमण हो । संसार भरी डढेलो लागे जसरी सल्किएको यो संक्रमण हाम्रो देश नेपालमा पनि भित्री सकेपछी हामीले पनि अत्यन्त र अत्यावश्यक सजगता अपनाउँदै छौं । यो सजगता भनेको हाम्रो समझदारी र चेतना मात्र हो ।

कोरोनाको लडाइँमा चिनियाँ अनुभव - 2020-03-30

हि लेइ: विश्वको शक्तिशाली देशहरूको समूह जी ट्वेन्टीको मार्च २६मा सम्पन्न विशेष शिखर सम्मेलन एक धेरै महत्वपूर्ण, समयानुकूल र उल्लेखनीय बैठक थियो । जी ट्वेन्टीको २० वर्षे इतिहासमा यो बैठक दुई किसिमले पहिलो पटक भयो । पहिलो यो शिखर सम्मेलन भिडियो कन्फ्रेन्सको रूपमा पहिलो पटक भयो । दोस्रो, विषय कोभिड–१९बाट पार पाउने शीर्षकमा यो सम्मेलन पहिलो पटक भयो ।

कोरोना संक्रमण: सम्पत्ति त भोलि कमाउन सकिन्छ ... - 2020-03-27

दामु चौलागाई: बिश्व अहिले क्वारेन्टाइनमा गएको छ तर केही साथीहरु र परिवारलाई यो समय दशैको उत्सव जस्तो भोजभतेर गर्ने तथा रमाइलो गर्ने अवसर लागेको छ तपाईंको संचित खाना बिहान बेलुकी हातमुख जोड्न नसक्नेलाई काम नलागेपनि यो महामारी छिटो नियन्त्रणमा आएन भने भोलि के हुन्छ ? परिकल्पना गर्नुहोस् ।

कोरोना संक्रमण, थप सचेतना आवश्यक - 2020-03-27

गुप्तवहादुर श्रेष्ठअब गर्मी लाग्यो । झिंगा, लामखुट्टे र भुसुनाको प्रकोप बिस्तारै बढ्ने छ । तराईतर्फ र सहरी क्षेत्रमा बढी सकेको छ । कोरोनाका रोगीले राल, खकार, सिंगान जहाँ पायो त्यतै फाल्ने गरे भने त्यस्तो राल सिंगान हुँदै झींगा, लामखुट्टेको माध्यमबाट पनि लाखौं भाइरस अर्को घर वा मान्छेसम्म पुग्ने र झनै भयावह हुने भएकोले झींगा लामखुट्टेको पनि उपचार हुन आवश्यक छ ।

लकडाउनको पूर्ण रुपमा पालना गरौं, तब मात्रै हामीले घरभित्र पसेको काललाई लखेट्न सक्छौं - 2020-03-27

उज्ज्वल बराल, सभापति, नेपाली कांग्रेस सिन्धुलीबूढापाकाले गाउँघरमा भन्ने गर्थे, ‘काल बाजा बजाएर त आउँदैन !’ तर अहिले हामीले त्यो उखानलाई असत्य सावित गरिरहेका छौं । छिमेकी राष्ट्र चीनको वुहान शहरबाट देखिएको कोरोना भाइरस विश्वभर एकपछि अर्को देश हुँदै आइरहेको छ । हामी त्यो महामारी अर्थात काल आएको टुलुटुलु देखिरहेका छौं अनि भनिरहेका छौं, हामीलाई लिनका लागि काल आइरहेको छ,

कोभिड-१९, म र मेरो चिन्तन - 2020-03-26

प्रल्हाद पोखरेल :सायद मैले यो लेखी रहदा कोभिड-१९ ले प्रभाव पारेको मानिसको संख्या ५ लाखको हाराहारीमा पुगिसकेको छ भने,मृत्यु हुनेको संख्या २०,००० को नजिक पुग्नै लागेको छ । १९० मुलुकहरूमा आफ्नो साम्राज्य जमाइ सकेको छ कोभिड -१९ ले । यो कुनै वर्ग समुदाय या रङ्गको आधारमा फैलिएको नभै सबैलाई संक्रमित तुल्याएको छ । यो यसै गर्दा निको हुन्छ भनेर ठोकुवा गर्ने अहिलेसम्म कुनै भरपर्दो औषधिको आविष्कार भएको छैन तथापि प्रयास जारी छ । करीब करीब बिश्वनै लक्ड डाउनको अबस्थामा छ ।

लकडाउन : के गर्न मिल्छ, के मिल्दैन ? - 2020-03-23

सरकारले मंगलबार बिहान ६ बजेदेखि देशभर लक डाउन गर्ने निर्णय गरेको छ। यस्तो अवस्थामा घर बाहिर निस्किन मिल्दैन। सरकारले अत्यावश्यक कामबाहेक घर बाहिर ननिस्कन भनिसकेको छ। मङ्गलबार बिहान ६ बजेदेखि यही चैत १८ गते बिहान ६ बजेसम्म लागू हुने गरी अत्याश्यक अवस्थाबाहेक घरबाट बाहिर ननिस्कन सरकारले आदेश जारी गरेको हो।

राष्ट्रका नाममा प्रधानमन्त्रीले गरे सम्बोधन - 2020-03-20

सरकारले चैत ९ देखि २१ गतेसम्म अत्यावश्यक सेवा प्रदान गर्नेबाहेक सबै कार्यालय बन्द गर्ने भएको छ । प्रधानमन्त्री केपी शर्मा ओलीले शुक्रबार देशबासीलाई सम्बोधन गर्दै संघ, प्रदेश र स्थानीय तहका सार्वजनिक, सामुदायिक र निजी संस्थाबाट प्रदान गरिने अत्यावश्यकबाहेक सबै सेवा बन्द गर्न आग्रह गरेका हुन् ।

कम्युनिस्ट पार्टी र विचारको सङ्घर्ष - 2020-03-07

कम्युनिस्ट पार्टी वैचारिक सङ्घर्षको निरन्तरता हो । वैचारिक बहसले ल्याएको विवादले कम्युनिस्ट पार्टीलाई विचारमा खार्छ । जब वैचारिक संघर्ष संगठनमा अनुपस्थित हुन्छ त्यही दिनदेखि विचारका आधारमा कम्युनिस्ट पार्टी रहदैंन ट्रेड मार्कको आधारमा रहनु अपवाद हो । यसरी नेपालको कम्युनिस्ट पार्टीमै पनि कैयन पटक पार्टीमा विवाद भयो । कैयन पटक मिल्यो तर फेरि पनि नेपाल कम्युनिस्ट पार्टी कायम रहेको छ ।

राजनीति ब्यक्तिगत लाभका लागि होईन - 2020-03-05

नवराज थिङ:नेपाल कम्युनिस्ट पार्टी (नेकपा) को सचिवालयको निर्णय र प्रधान मन्त्री अोलीले गरेको अवज्ञाले यतिखेर नेपाली राजनीतिको अाकासमा कालो बादल मडारिन थालेको अाभास भएको छ । पद्धतिगत हिसावले हेर्दा प्रधानमन्त्रीले पार्टीको निर्णय लागू गर्नु पर्ने हुन्छ । अवज्ञा गर्न खोज्नु अर्घेल्याई नै होला । तर सत्ता सञ्चालन गरिरहेको पार्टीले गरेका निर्णयहरू कति जायज छ त ?

यसरी स्मरण गरे सहिद सम्झना लाई - 2020-03-05

नवराज थिङ:तत्कालीन नेपाली काङ्ग्रेसको गिरिजा सरकारले भारत भ्रमणका बेला अापसी सम्झौताको नाममा गोप्य टनकपुर सन्धी गरेको थियो ।राष्ट्रहीत बिपरित भएको सन्धीको भेद खुलेपछि तत्कालीन पार्टीहरू नेकपा एमाले ,संयुक्त जनमोर्चा नेपाल लगाएत बाम गठबन्धनले सन्धी खारेजीको माग राख्दै राष्ट्रब्यापी अान्दोलन गरेको थियो । अान्दोलनको कार्यक्रम अनुसार २०४९ फाल्गुन २२गते देशैभरि जिल्ला प्रशासन कार्यलय घेराउ कार्यक्रम थियो । कार्यक्रम अनुसार सिन्धुलीमा पनि घेराउ कार्यक्रममा अान्दोलनकारीहरू जि. प्र. का.सिन्धुलीको गेटमा थिए ।

बामदेव नेकपा सचिवालयका तुरुप ! - 2020-02-24

नेकपा नेता वामदेव गौतम सत्ता बाहिर रहन रुचाउने नेता होइनन् । सत्तामा बसिरहनुपर्ने गौतम आम निर्वाचनमा बर्दियाबाट हारेपछि संसदमा र सरकारमा प्रवेश गर्न सकिरहेका छैन । यही कारणले उनमा सांसद बन्ने र त्यसपछि प्रधानमन्त्री बन्ने हुटहुटी जागेको जाग्यै छ । चुनाव हारेका गौतममा पार्टी एकतापछि थप बेचैनी र अस्थिरता देखिएको छ । उनी कहिले ओली पक्षमा त कहिले प्रचण्ड पक्षमा उभिने गरेका छन् ।

समाचार विश्लेषण: प्रधानमन्त्री ओली आफैंले थापेको एम्बुसमा फस्दै ! - 2020-02-24

आफ्नै पुख्र्यौली जन्मथलोमा ६९ औं जन्मोत्सव मनाइरहेका प्रधानमन्त्री केपी शर्मा ओली नेतृत्वको सरकार अहिले आफैंले थापेको धरापमा फस्न थालेको छ । यो धराप आफ्नै आन्तरिक र बाह्य दुबै पक्षले यसरी थापिदिएका छन् कि यसबाट उम्कन उनलाई निकै मुस्किल पर्नेछ ।

कान्तिपुर मिडिया ग्रुपको निन्दनीय हर्कत - 2020-02-19

काठमाडौ,(प्रस): संसार जानकार छ कि कोरोना भाइरसको आक्रमण विरुद्ध हाम्रो घनिस्ठ मित्र देश चीन सम्पूर्ण शक्ति खर्चेर लडिरहेको छ । अप्रत्याशित रुपमा विपत्ति सरह कोरोना भाइरस फैलिदै गर्दा राज्यशक्तिको सम्पूर्ण प्रयास कोरोना विरुद्ध परिचालन गरेकै कारण यो भाइरस महामारी हुन पाइरहेको छैन । चीनले भाइरस नियन्त्रणमा आशातित सफलता हासिल गर्दै गइरहेको छ । चीनले भाइरस नियन्त्रणमा गरेको अथक प्रयासलाई विश्व स्वास्थ संगठनदेखि सिङ्गो अन्र्तराष्ट्रिय जगतले मुक्तकण्ठले प्रशंसा गरिरहेका छन् ।








Powered by: Exclusively Solution