विचार




पूर्वएमालेले नस्वीकारेको ‘जनयुद्ध दिवस !’


नेपाल कम्युनिस्ट पार्टी (नेकपा)को पार्टी कार्यालय धुम्बाराहीमा बिहान नौ बज्नुअघि नेता कार्यकर्ता भरीभराउ भैसकेका थिए । विगतका आन्दोलनमा सहादत प्राप्त गरेका सहिदहरुको स्मरणमा आयोजित कार्यक्रमको निर्धारित समय नौ बजेका लागि तोकिएकाले नेता कार्यकर्ता त्यसअघि नै पार्टी कार्यालय पुगेका थिए । पार्टी कार्यालय पुगेका अधिकांशको जिज्ञाशा थियो– अध्यक्ष केपी ओली कार्यक्रममा सहभागी होलान् या नहोलान् ?
निर्धारित समयमा कार्यक्रम सुरु भएन । निर्धारित समयमा कार्यक्रम सुरु नभएपछि अध्यक्ष ओली आइनपुगेका कारण कार्यक्रम सुरु हुन ढिला भयो भन्ने धेरैले अनुमान लगाए । घडीको सुइरोले साढे नौ कटाएपछि अध्यक्ष प्रचण्ड लगायत सवै नेता पार्टी कार्यालयको हलमा छिरे तर ओली आएनन् । ओली नआएपछि दर्शक दिर्घामा बसेका नेता कार्यकर्ताबीच खासखुस चल्यो, ‘यसपटक पनि ओली आएनन् ।’
लगत्तै कार्यक्रम सञ्चालकले सहिदहरुप्रति मौन धारण गर्न १ मिनेटको समय छुट्याए । त्यसपछि सहिदको तस्वीरमा फूलमाला चढाउन नेताहरु पालैपालो अघि बढे । जसमा अध्यक्ष प्रचण्ड, उपाध्यक्ष वामदेव गौतम, महासचिव विष्णु पौडेल लगायत थिए । 

मौनधारणपछि एक कार्यकर्ताले व्यङ्ग्य गर्दै भने, ‘केपी ओली, माधव नेपाल, झलनाथ खनाल, ईश्वर पोखरेल र नारायणकाजी श्रेष्ठले चाहीँ सहिदहरुलाई सम्झनु नपर्ने रहेछ ?’

हलमा भरिभराउ भएका नेता कार्यकर्ताबीच त्यसको जवाफ दिने कोही थिएनन् । 

संघीय लोकतान्त्रिक गणतन्त्रलाई नेपाली जनताले गरेको महान जनयुद्ध र जनक्रान्तिको ठुलो उपलव्धिका रुपमा लिइन्छ । हजारौँको बलिदानी र योगदानपछि स्थापना भएको संघीय लोकतान्त्रिक गणतन्त्र ल्याउन विगतमा फरक फरक पार्टीले फरक फरक किसिमका आन्दोलनहरु गरेका थिए । 

कहिले एक्लै त कहिले संयुक्त रुपमा भएका यस्तै आन्दोलनहरुमार्फत मुलुकमा जरा गाडेर बसेको राजतन्त्रको बर्हिगमन सम्भव भएर संघीय लोकतान्त्रिक गणतन्त्र स्थापना भएको हो । 

मुलुकमा संघीय लोकतान्त्रिक गणतन्त्र स्थापना गर्न खासगरी तत्कालीन माओवादी, एमाले र काँग्रेसको विशेष भूमिका रह्यो । प्रकारान्तरमा ती तीन दलमध्ये तत्कालीन एमाले र माओवादी मिलेर नेकपा बनेको हो । विगतमा फरक विचार र फरक सिद्धान्त अँगालेका एमाले र माओवादीबीच एकता भएर नेकपा बनेको दुई वर्ष हुन लागे पनि यी दुई दलवीच एकताको भाव अझै झल्कन नसकेको बिहीबारको धुम्वाराहीको यस्तो दृश्य र नेता–कार्यकर्ताको खासखुसबाटै प्रश्ट बुझ्न सकिन्थ्यो । 

प्रसंग हो फागुन १ अर्थात् २५ औं जनयुद्ध दिवसको । यो दिवसलाई नेकपाले विगत वर्षदेखि ‘जनयुद्धका सहिदहरुको स्मृतिमा’ आयोजित ‘श्रद्धान्जली सभा’का रुपमा मनाउँदै आएको छ । यसअघि फागुन १ गतेका दिन तत्कालीन माओवादीले जनयुद्ध दिवसका रुपमा मनाउँदै आएकोमा पार्टी एकतापछि यसको भाषा परिवर्तन गरेर स्मृतिमा श्रद्धान्जली दिवसका रुपमा मनाउन थालिएको हो । यद्यपि यो दिवसका अवसरमा हुने औपचारिक कार्यक्रममा तत्कालीन नेकपा एमालेका नेताहरु भने विरलैमात्र सहभागी हुने गरेका छन् । यो बर्ष पनि सुरुमा फागुन १ मा पार्टी कार्यालयमा राखिएको ‘श्रद्धान्जली सभामा’ नेकपाका दुवै अध्यक्ष केपी ओली र प्रचण्ड सहभागी हुने र सम्बोधन गर्ने भनिएको थियो । तर अन्तिम क्षणमा पार्टी कार्यालयमा राखिएको उक्त कार्यक्रममा ओली सहभागी भएनन् । त्यसो त ओली गत वर्ष पनि सहभागी बनेका थिएनन् । 

कार्यक्रममा ओली अनुपस्थित हुनुको कारण नखुलाइए पनि ओलीले अझै पनि ‘जनयुद्ध दिवस’ नस्वीकारेका कारण उपस्थित नभएको हुनसक्ने अर्थका रुपमा कार्यालयमा उपस्थित नेता कार्यकर्ताहरुमाझ गाइँगुई चल्यो । 

ओलीमात्र होइन, फागुन १ को कार्यक्रममा एमाले पृष्ठभूमिकै अर्का नेताद्वय माधवकुमार नेपाल र झलनाथ खनाल पनि सहभागी भएनन् । 

‘जनयुद्ध दिवस हामीले स्वीकारेको नै छैन । त्यही भएर जनयुद्धका सहिदहरुको स्मृतिमा श्रद्धान्जली कार्यक्रम राखिएको हो’, तत्कालीन एमाले समूहका नेकपाका एक केन्द्रीय सदस्य भन्छन्, ‘त्यही भएर ओली लगायतका केही शीर्ष नेताहरु नजानुभएको हुनसक्छ ।’

तर माधव नेपाल भने देशभित्र नभएकाले पनि बिहीबारको कार्यक्रममा नगएको उनको सहयोगी मोहन गौतमले जानकारी दिए । खनाल भने एमसीसी कार्यदलको बैठकका कारण उक्त कार्यक्रममा सहभागी नभएको खनालका सहयोगीले बताए । 

प्रधानमन्त्री समेत रहेका ओलीका प्रेस सल्लाहकार सूर्य थापा जिम्मेवारी बाँडफाँड भएकाले पार्टीका कार्यक्रममा भन्दा सरकारका काममा बढी समय दिनु परेकाले ओली सहभागी हुन नसकेको बताउँछन् । ‘पार्टीका कार्यक्रममा उहाँ धेरै हिँड्नु भएको छैन । कार्यकारी अध्यक्ष सहभागी भएपछि त्यति जरुरी पनि रहेन’, थापाको भनाइ छ । 

हुन त नेकपाका दुई अध्यक्ष ओली र प्रचण्डबीच जनयुद्ध तथा जनआन्दोलनमा साहदत प्राप्त गर्ने सहिदहरुलाई विशेष रुपमा स्मरण गर्नुका साथै त्यस क्रममा घाइते, अपाङ्ग तथा बेपत्ता परिवारहरुलाई विशेष सम्मान प्रकट गर्ने गर्ने सहमति नै भएको हो । त्यही भएर कार्यक्रम पार्टी कार्यालयमै राख्ने गरिएको छ । तर लगातार ओली जनयुद्ध दिवसका रुपमा हुने कार्यक्रममा नआउँदा पूर्व एमालेले जनयुक्तलाई अझै स्वीकार गर्न नसकेको कतिपय कार्यकर्ताको बुझाइ छ ।

त्यसो त जनयुद्धलाई बढी महत्व दिने कि जनआन्दोलनलाई भन्नेमा नेकपामा मतभेद कायमै छ । तर नेतृत्वले सहमतिका आधारमा बराबरी महत्व दिने भनिए पनि व्यवहारमा एकरुपता देखिँदैन । किनभने पूर्वमाओवादी पक्षका प्रचण्ड भने पुष्पलाल, मदन भण्डारी र मनमोहनलगायतका नेताको स्मृति या श्रद्धान्जली कार्यक्रममा जान अक्सर छुटाउँदैनन् । ओली भने जनयुद्ध स्मृति दिवसका अवसरमा सहभागी हुन नचाहेको पटक पटक देखिएको छ ।




Related Pictures:













Related News:

राष्ट्रपतिद्वारा देशवासीलाई सम्बोधन - 2020-04-03

सशस्त्र प्रहरी र सिकारी समूहबीच गोली हानाहान - 2020-04-03

'पाेखरामा कोरोना भाइरसको पोजेटिभ केस छैन': स्वस्थ्य मन्त्रालय - 2020-04-03

जिटुजी गरिसकेपछि नेपाली सेनालाई औषधी ल्याउने जिम्मा दिइनु गलत: पूर्व प्रधानमन्त्री झलनाथ खनाल - 2020-04-03

कोरोनाभाइरसबारे सहयोग माग्ने अमेरिकी युद्धपोतका कमाण्डर यसकारण भए 'जिम्मेवारीमुक्त' - 2020-04-03





आरुबाटेलाई पसलेले सोध्छ्न् कान्छा मासु कति राखौं ? - 2020-04-03

अरुणकुमार थिङ्ग:फुलपातिको अघिल्लो दिन बेलुका आरुबोटे कान्छाकी बुढी ठुली साझमा घर आउछिन र एउटा पोका फुकाउदै भन्छिन :यो सटपाईट बिसाललाइ,यो कुर्तासरवाल ललितालाइ,यो लुङ्गी बुढालाई।विशाल खुशी हुँदै नयाँ कपडा लाउछ्न,बुवा अँध्यारो मुख लगाएका छ्न ,यतिकैमा ललिताको मनमा प्रश्न उठछ र सोध्छिन आमा हामीलाई त लुगा किनेर ल्याउनुभयो तपाईंलाई खोइ?ठुली भन्छिन:मैले पोहोर नै चारवटा सारी किनेकी छु नानी अझै दुइटा बाकी छ।

कोरोना भाइरस, पत्रकारको सुरक्षा र राहत प्याकेज - 2020-04-02

रामप्रसाद दाहाल:कोरोना भाइरस कोभिड उन्नाईसको महामारीबाट विश्व नै त्राहिमाम बनिरहेको बेला नेपाल त्यसबाट अछुतो रहन सकेन । यो त्रास कम गर्न, कोरोनाले ल्याएको विनास र त्यसको रोकथामका लागि सरकारले गरिरहेको प्रयास र लिइरहेको पहल जनता समक्ष पुर्याउने र नागरिकको सूचनाको अधिकारको सम्मान गर्ने दायित्व संचारकर्मीहरुले निर्वाह गरिरहेका छन् ।

वकिल बावुलाई डाक्टर छोराले यसरी लेखे चिठ्ठी: विरामीहरुको सेवा गर्दागर्दै शहिद भइएछ भने पनि गर्व को कुरा हो - 2020-04-02

डा. विप्लब लामिछाने, सिभिल अस्पिटल, बानेश्वरहाम्रो प्रिय कम्युनिष्ट सरकारका स्वास्थ्यमन्त्रीज्युले स्वास्थ्यकर्मीलाई पीपीई दिने कुरा हप्तादिन वितिसक्दा पनि प्रत्यक्ष देख्न पाइएको छैन, वरु यो पीपीई के हो भात पकाउने एफ्रोन भनेको सुन्न पाइयो । अनि एक नेताका परिवारले पीपीई लगाएर फेसवुकमा तस्वीर हालेर नाचेको देख्न पाइयो । त्यो पीपीई नेपालकी एक फ्लारेन्स नाइटिङ्गेललाई दिएको भए हुन्थ्यो ।

एसइई सम्बन्धि भ्रामक र असंवेदनशिल प्रचार गरियो - 2020-04-02

गिरिराजमणी पोखरेल:कोरोना महामारीलाई फैलन नदिन मन्त्रीपरिषदको निर्णयद्वारा चैत्र ११ गते बाट सुरु भएको लकडाउन पछिल्लोपटक म.प. ले थप हप्ता दिनलाई बढाएर २५ गते सम्म लाई निरन्तरता दिएको निर्णय सर्वबिदित नै छ। ।कोरोना महामारिका बिच उचित ब्यवस्थापन गर्दै चैत्र ६ बाट गर्न लागिएको एसइई परिक्षा ,तत्कालीन परिस्थितिको उच्च नेतृत्बाट गरिएको बिश्लेषण साथै मन्त्रालय र राष्ट्रिय परिक्षा बोर्डको समिक्षा पश्चात् स्थगन गरेको जानकारी पनि सबैमा रहेकै छ।

डाक्टर छोरालाई बाबुको चिठ्ठी, युद्धपछीकाे विजय उत्सवमा भेटाैला - 2020-03-31

विश्वम्भर लामिछाने:मलाई राम्रो थाहा छ, कोभिड–१९को कारण विश्वमा मानव जाति माथि ठुलो विपत आइपरेको छ। यसको सामना गर्न विश्वका माहाशक्ति राष्ट्रहरुलाई चुनौती बनेको छ। आणविक शस्त्र–अस्त्र निमाणको लागि बनाइएका भट्टीहरु यस युद्घमा निस्काम भएका छन्। यो महामारीको त्रासबाट भयभित भई सो भाइरसको सामना गर्न म स्वयम तिमी बाहेकका परिवारका सदस्यहरुलाई लिएर होम क्वारेन्टाइनमा बसी, महाभारतको यूद्धमा धृतराष्टले दरवार भित्र बसेर संजयको माध्यमबाट नरसंहार हेरेझै म पनि टुलु टुलु कोभिड–१९को कारण विस्वमा भएको नरसंहार हेरी बस्न विवस छु।

कोरोना कहर र नेताको रहर - 2020-03-31

डा. गोपालकृष्ण सिवाकोटी:शुरूमा "चाइनिज भाइरस्" भन्दै खिल्ली उडाउदै गर्दा आज आएर अमेरिकामा मृत्युलाई १ लाखमा सीमित गर्न सकियो भने त्यो सफलता हुने घोषणा गर्नु पर्‍यो राष्ट्रपति स्वयंले ! त्यो पनि करिव २५ सयको मृत्यु र ढ़ेढ लाखको हारहारीमा संक्रमित भैसकेपछी !“न्युयोर्क शहरलाई "क्वारेन्टाइन" गर्नु भनेको "अविवेकी" र "अमेरिका विरोधी" कदम हुन जान्छ-यसले स्टक मार्केट ध्वस्त बनाउंछ र अर्थतन्त्रलाई धरासायी बनाउंछ" भन्दै गभर्नरले मुनाफ़ामुखी वक्तब्य जारी गर्दै गर्दा दैनिक दर्जनौको मृत्यु भैरहेको तथ्य नज़रांदाज गरिएको छ ।

कोरोनाले उँचो र निचो भन्दैन, त्यसैले जिम्मेवार बनौं - 2020-03-31

प्रदीप कटुवाल:नेपाल उच्च जोखिममा रहेको कुरा विश्व स्वास्थ्य संगठनले वताएको केही दिनपछि नेपालमा पनि कोरोना भाइरसका ५ जना संक्रमित देखिए । यस रोगले जतिसुकै बलिया र धनी देश भएपनि उनीहरुलाई आच्छु आच्छु पारिरहेको छ । हतियार र सेनाको बलमा बिश्वमा साम्राज्य फैलाउन खोजेको अमेरिका जस्ता देशहरु अहिले कोरोना संक्रमणबाट हारगुहार गरिरहेका छन् । औषधी र डाक्टरको अभाव भइरहेको छ । स्वास्थ्य क्षेत्रमा विश्वमै अब्बल मानिएको युरोपेली देश इटलीमा त्यहाँको सरकारले नसकेपछि चिनबाट डाक्टर र औषधी बोकेर ठूलो टोली पुगिसकेको अबस्था छ ।

कोरोना संक्रमणः नगरवासीको सुरक्षा र मेरो जिम्मेवारी - 2020-03-30

खड्गवहादुर खत्री:हामी अहिले सवैजना एउटै साझा चुनौतीसँग लडिरहेका छौं र त्यो चुनौती भनेको विश्वब्यापी कोरोना भाइरसको संक्रमण हो । संसार भरी डढेलो लागे जसरी सल्किएको यो संक्रमण हाम्रो देश नेपालमा पनि भित्री सकेपछी हामीले पनि अत्यन्त र अत्यावश्यक सजगता अपनाउँदै छौं । यो सजगता भनेको हाम्रो समझदारी र चेतना मात्र हो ।

कोरोनाको लडाइँमा चिनियाँ अनुभव - 2020-03-30

हि लेइ: विश्वको शक्तिशाली देशहरूको समूह जी ट्वेन्टीको मार्च २६मा सम्पन्न विशेष शिखर सम्मेलन एक धेरै महत्वपूर्ण, समयानुकूल र उल्लेखनीय बैठक थियो । जी ट्वेन्टीको २० वर्षे इतिहासमा यो बैठक दुई किसिमले पहिलो पटक भयो । पहिलो यो शिखर सम्मेलन भिडियो कन्फ्रेन्सको रूपमा पहिलो पटक भयो । दोस्रो, विषय कोभिड–१९बाट पार पाउने शीर्षकमा यो सम्मेलन पहिलो पटक भयो ।

कोरोना संक्रमण: सम्पत्ति त भोलि कमाउन सकिन्छ ... - 2020-03-27

दामु चौलागाई: बिश्व अहिले क्वारेन्टाइनमा गएको छ तर केही साथीहरु र परिवारलाई यो समय दशैको उत्सव जस्तो भोजभतेर गर्ने तथा रमाइलो गर्ने अवसर लागेको छ तपाईंको संचित खाना बिहान बेलुकी हातमुख जोड्न नसक्नेलाई काम नलागेपनि यो महामारी छिटो नियन्त्रणमा आएन भने भोलि के हुन्छ ? परिकल्पना गर्नुहोस् ।

कोरोना संक्रमण, थप सचेतना आवश्यक - 2020-03-27

गुप्तवहादुर श्रेष्ठअब गर्मी लाग्यो । झिंगा, लामखुट्टे र भुसुनाको प्रकोप बिस्तारै बढ्ने छ । तराईतर्फ र सहरी क्षेत्रमा बढी सकेको छ । कोरोनाका रोगीले राल, खकार, सिंगान जहाँ पायो त्यतै फाल्ने गरे भने त्यस्तो राल सिंगान हुँदै झींगा, लामखुट्टेको माध्यमबाट पनि लाखौं भाइरस अर्को घर वा मान्छेसम्म पुग्ने र झनै भयावह हुने भएकोले झींगा लामखुट्टेको पनि उपचार हुन आवश्यक छ ।

लकडाउनको पूर्ण रुपमा पालना गरौं, तब मात्रै हामीले घरभित्र पसेको काललाई लखेट्न सक्छौं - 2020-03-27

उज्ज्वल बराल, सभापति, नेपाली कांग्रेस सिन्धुलीबूढापाकाले गाउँघरमा भन्ने गर्थे, ‘काल बाजा बजाएर त आउँदैन !’ तर अहिले हामीले त्यो उखानलाई असत्य सावित गरिरहेका छौं । छिमेकी राष्ट्र चीनको वुहान शहरबाट देखिएको कोरोना भाइरस विश्वभर एकपछि अर्को देश हुँदै आइरहेको छ । हामी त्यो महामारी अर्थात काल आएको टुलुटुलु देखिरहेका छौं अनि भनिरहेका छौं, हामीलाई लिनका लागि काल आइरहेको छ,

कोभिड-१९, म र मेरो चिन्तन - 2020-03-26

प्रल्हाद पोखरेल :सायद मैले यो लेखी रहदा कोभिड-१९ ले प्रभाव पारेको मानिसको संख्या ५ लाखको हाराहारीमा पुगिसकेको छ भने,मृत्यु हुनेको संख्या २०,००० को नजिक पुग्नै लागेको छ । १९० मुलुकहरूमा आफ्नो साम्राज्य जमाइ सकेको छ कोभिड -१९ ले । यो कुनै वर्ग समुदाय या रङ्गको आधारमा फैलिएको नभै सबैलाई संक्रमित तुल्याएको छ । यो यसै गर्दा निको हुन्छ भनेर ठोकुवा गर्ने अहिलेसम्म कुनै भरपर्दो औषधिको आविष्कार भएको छैन तथापि प्रयास जारी छ । करीब करीब बिश्वनै लक्ड डाउनको अबस्थामा छ ।

लकडाउन : के गर्न मिल्छ, के मिल्दैन ? - 2020-03-23

सरकारले मंगलबार बिहान ६ बजेदेखि देशभर लक डाउन गर्ने निर्णय गरेको छ। यस्तो अवस्थामा घर बाहिर निस्किन मिल्दैन। सरकारले अत्यावश्यक कामबाहेक घर बाहिर ननिस्कन भनिसकेको छ। मङ्गलबार बिहान ६ बजेदेखि यही चैत १८ गते बिहान ६ बजेसम्म लागू हुने गरी अत्याश्यक अवस्थाबाहेक घरबाट बाहिर ननिस्कन सरकारले आदेश जारी गरेको हो।

राष्ट्रका नाममा प्रधानमन्त्रीले गरे सम्बोधन - 2020-03-20

सरकारले चैत ९ देखि २१ गतेसम्म अत्यावश्यक सेवा प्रदान गर्नेबाहेक सबै कार्यालय बन्द गर्ने भएको छ । प्रधानमन्त्री केपी शर्मा ओलीले शुक्रबार देशबासीलाई सम्बोधन गर्दै संघ, प्रदेश र स्थानीय तहका सार्वजनिक, सामुदायिक र निजी संस्थाबाट प्रदान गरिने अत्यावश्यकबाहेक सबै सेवा बन्द गर्न आग्रह गरेका हुन् ।

कम्युनिस्ट पार्टी र विचारको सङ्घर्ष - 2020-03-07

कम्युनिस्ट पार्टी वैचारिक सङ्घर्षको निरन्तरता हो । वैचारिक बहसले ल्याएको विवादले कम्युनिस्ट पार्टीलाई विचारमा खार्छ । जब वैचारिक संघर्ष संगठनमा अनुपस्थित हुन्छ त्यही दिनदेखि विचारका आधारमा कम्युनिस्ट पार्टी रहदैंन ट्रेड मार्कको आधारमा रहनु अपवाद हो । यसरी नेपालको कम्युनिस्ट पार्टीमै पनि कैयन पटक पार्टीमा विवाद भयो । कैयन पटक मिल्यो तर फेरि पनि नेपाल कम्युनिस्ट पार्टी कायम रहेको छ ।

राजनीति ब्यक्तिगत लाभका लागि होईन - 2020-03-05

नवराज थिङ:नेपाल कम्युनिस्ट पार्टी (नेकपा) को सचिवालयको निर्णय र प्रधान मन्त्री अोलीले गरेको अवज्ञाले यतिखेर नेपाली राजनीतिको अाकासमा कालो बादल मडारिन थालेको अाभास भएको छ । पद्धतिगत हिसावले हेर्दा प्रधानमन्त्रीले पार्टीको निर्णय लागू गर्नु पर्ने हुन्छ । अवज्ञा गर्न खोज्नु अर्घेल्याई नै होला । तर सत्ता सञ्चालन गरिरहेको पार्टीले गरेका निर्णयहरू कति जायज छ त ?

यसरी स्मरण गरे सहिद सम्झना लाई - 2020-03-05

नवराज थिङ:तत्कालीन नेपाली काङ्ग्रेसको गिरिजा सरकारले भारत भ्रमणका बेला अापसी सम्झौताको नाममा गोप्य टनकपुर सन्धी गरेको थियो ।राष्ट्रहीत बिपरित भएको सन्धीको भेद खुलेपछि तत्कालीन पार्टीहरू नेकपा एमाले ,संयुक्त जनमोर्चा नेपाल लगाएत बाम गठबन्धनले सन्धी खारेजीको माग राख्दै राष्ट्रब्यापी अान्दोलन गरेको थियो । अान्दोलनको कार्यक्रम अनुसार २०४९ फाल्गुन २२गते देशैभरि जिल्ला प्रशासन कार्यलय घेराउ कार्यक्रम थियो । कार्यक्रम अनुसार सिन्धुलीमा पनि घेराउ कार्यक्रममा अान्दोलनकारीहरू जि. प्र. का.सिन्धुलीको गेटमा थिए ।

बामदेव नेकपा सचिवालयका तुरुप ! - 2020-02-24

नेकपा नेता वामदेव गौतम सत्ता बाहिर रहन रुचाउने नेता होइनन् । सत्तामा बसिरहनुपर्ने गौतम आम निर्वाचनमा बर्दियाबाट हारेपछि संसदमा र सरकारमा प्रवेश गर्न सकिरहेका छैन । यही कारणले उनमा सांसद बन्ने र त्यसपछि प्रधानमन्त्री बन्ने हुटहुटी जागेको जाग्यै छ । चुनाव हारेका गौतममा पार्टी एकतापछि थप बेचैनी र अस्थिरता देखिएको छ । उनी कहिले ओली पक्षमा त कहिले प्रचण्ड पक्षमा उभिने गरेका छन् ।

समाचार विश्लेषण: प्रधानमन्त्री ओली आफैंले थापेको एम्बुसमा फस्दै ! - 2020-02-24

आफ्नै पुख्र्यौली जन्मथलोमा ६९ औं जन्मोत्सव मनाइरहेका प्रधानमन्त्री केपी शर्मा ओली नेतृत्वको सरकार अहिले आफैंले थापेको धरापमा फस्न थालेको छ । यो धराप आफ्नै आन्तरिक र बाह्य दुबै पक्षले यसरी थापिदिएका छन् कि यसबाट उम्कन उनलाई निकै मुस्किल पर्नेछ ।

कान्तिपुर मिडिया ग्रुपको निन्दनीय हर्कत - 2020-02-19

काठमाडौ,(प्रस): संसार जानकार छ कि कोरोना भाइरसको आक्रमण विरुद्ध हाम्रो घनिस्ठ मित्र देश चीन सम्पूर्ण शक्ति खर्चेर लडिरहेको छ । अप्रत्याशित रुपमा विपत्ति सरह कोरोना भाइरस फैलिदै गर्दा राज्यशक्तिको सम्पूर्ण प्रयास कोरोना विरुद्ध परिचालन गरेकै कारण यो भाइरस महामारी हुन पाइरहेको छैन । चीनले भाइरस नियन्त्रणमा आशातित सफलता हासिल गर्दै गइरहेको छ । चीनले भाइरस नियन्त्रणमा गरेको अथक प्रयासलाई विश्व स्वास्थ संगठनदेखि सिङ्गो अन्र्तराष्ट्रिय जगतले मुक्तकण्ठले प्रशंसा गरिरहेका छन् ।








Powered by: Exclusively Solution