विचार




सत्ता कब्जाको रणनीति अहिले अर्थ कब्जामा


वसन्त पोखरेल:
त्यतिबेलाको त्यो स्पिड । कसैका हातमा पर्चा, कसैका हातमा पोष्टर, कसैका हातमा माड, कसैका हातमा इनामेल र ब्रस । कसैले देख्छ कि भन्दै बिरालोको चालमा लुपुक्क हिँडेर भित्ता खोजिन्थ्यो पोष्टर टाँस्नका लागि । पसलका सटरभित्र कुनै आवाज नआउने गरी पर्चा घुसाइन्थ्यो । घरको बार्दलीमा पुग्ने गरी ढुंगाका टुक्राहरु लोमेर पर्चा फ्याँकिन्थ्यो । इनामेल, कुचीसँग खेल्नेहरुलाई पालो बस्ने र सावधान तुल्याउँदै सडक, सार्वजनिक विद्यालयका पर्खालहरुमा नारा लेखिन्थ्यो


 सबै बस्तु इतिश्री भएपछि भोक र थकाइले लखतरान हुँदै कसैका परालका थुप्राभित्र घुर्सेर श्वान निद्रा सुतिन्थ्यो । विहान कसैले नदेखोस् भन्दै झुसे अनुहार लिएर हाई..काड्दै डराइ डराइ गन्तब्यमा पुगिन्थ्यो । यस्तो थियो हाम्रो जनयुद्धको पहिलो दिनको रातचर्या । दिनचर्यामा भने हामी अनजानजस्तै बनेर अरुबाटै खबर सुन्थ्यौँ । २०५२ साल फागुन एक गतेको सानो अनुभूति हो यो ।

नेताहरुको स्कूलिंगले हामीलाईः हारे हत्कडी हातमा, जिते यो सिङगो सन्सार भन्ने सिकाएको थियो । मरे सहिदको माला, बाँचे हाम्रै हो रंगशाला भन्ने कुरा घोकाएको थियो । त्यसले हामीमा विशेष खालको ऊर्जा भरेको थियो । नेताहरुलाई फोटोमा देखे पनि ढोग्न मन लाग्थ्यो । मुट्ठी उचालेर लालसलाम गर्न मन हुन्थ्यो । एकपटक हात मिलाउन पाए अहोभाग्य सम्झन्थ्यौँ र कति दिनसम्म पनि शो जान्छ भनेर अरुलाई हात छुन दिन्नथ्यौँ । नेताजी आउँदै छन् रे भनेको सुनेपछि नाङ्गा खुट्टा र भोको पेटमा कार्यक्रमस्थलमा पुग्थ्यौँ । साम्राज्यवाद, बिस्तारवाद, घरेलु प्रतिक्रियावाद, सामन्तवाद, नवसंशोधनवादसँग घृणा उत्पन्न हुन्थ्यो । घृणा उत्पन्न हुने गरी ब्रेन वास नै गरेको थियो स्कूलिङले । जनयुद्धको विरोध गर्नेलाई आँखाले देख्न रुचाउँथेन । 


जनयुद्धको भट्टीमा आगो फुक्ने क्रम बढ्दै गयो । आगोमा फिलिङ्गाहरु थपिँदै गए । त्यो आगोको रापमा काँचो फलाम हाल्दा स्पात भएर निस्कन्थ्यो । मुट्ठी उचालेर जिम्मेवारी बहन गर्ने प्रतिज्ञा गर्दै काममा जोतिन्थ्यो । हामी पनि जोतियौँ आफ्नो गच्छेअनुसार । यसरी जाँदै गर्दा हजारौँले छातीमा प्रतिक्रियावादी सत्ताको गोली थापे । जेलका चिसा छिँडीमा आहत जीवन गुजारे । घर, परिवार, नातागोतामा केही दुर्घटना हुँदा पनि जान सक्ने अवस्था थिएन । कैयौँ महिलाहरु विधवा बने । अघोरी शासकका काला नंग्राले कैयौं युवती, नाबालिकाहरुका चोलीका तुना छिँदालिदिए । 

बलात्कारबाट रगताम्मे बने । अबैध आमा कहलिन बाध्य भए । बालबालिका टुहुरा भए । बाबुआमा साहाराविहीन भए । होनहार दशौँ हजार युवा युवतीको तातो रगत बगी नै रह्यो । गोलीका घाउबाट बगेका रगतमा लत्पतिएका मित्रहरुका घाइते शरीर उपचार नपाएर ढल्थ्यो । कैयौँ अपाङ्ग हुन्थे । यो अबस्थालाई शोकलाई शक्तिमा बदल्ने ऊर्जा मानेर अघि बढेको अवस्था हो । यस्तो कष्टकर जीवनको चलचित्र दिब्य दश बर्षसम्म यी आँखाले देखेका हुन् । 

जिते यो सिंगो संसार, बाँचे हाम्रै हो रंगशाला भनेर हिँडेका हामीहरुले अहिले के जित्यौँ ? सहिदहरुले के जिते ? घाइतेले के जिते ? टुहुरा बन्न वाध्य बालबालिकाले के जिते, बेपत्ताहरुले कुन चपरी मुनिको बास पाए ? नेता, कार्यकर्ता, योद्धाहरुलाई गाँस काटेर ख्वाउने, आफू सेण्ट्री बसेर बलिदानी बन्ने हिम्मत राख्दै नेताहरुलाई आफ्नो विछौनामा सुरक्षित सुताउने जनताले के पाए ? उही घरेलु प्रतिक्रियावाद, उही विस्तारवाद, उही सामन्तवाद, उस्तै सार, उस्तै रुप । 

हात्ती भने पनि गज भने पनि सार एउटै हुन्छ । श्वान भने पनि कुकुर भने पनि अर्थ एउटै हुन्छ । हामीले अहिले पाएको थोरै फरक भनेको हात्तीलाई गज भनिएको र कुकुरलाई श्वान भनिएको फरकमात्र पाएको हो । नाम फेरिए, पात्र फेरिए । सार फेरिएन । संस्कार फेरिएन । शोषक, सामन्त, सुदखोरहरुको बढोत्तरी नै भयो । जनता तातो ताबाबाट भुँग्रामा परेमात्र । बरु त्यसको साटो गाउँघरमा ऐँचोपैँचोमा पाइने लसुन अहिले साढे सात सय रुपैयाँ तिरेर एक किलो खान पाएका छौँ । तीन सय रुपैयाँ किलो प्याज र सय रुपैयाँ किलो आलु खाने सौभाग्य पाएका छौँ । त्यो पनि आयातित । कतिबेला अरु बढ्छ अनुमान छैन । हो, आम्दानी विनाको करको दायरा बढ््यो । जनताले उपभोग गर्ने हरेक चिजको मूल्य बढ्यो । 

समग्र देश र जनताको सुख, सुबिधा, सार्बभौम अधिकार, गाँस, बास, कपास, स्वास्थ्य, शिक्षा, रोजगारीको ग्यारेण्टी दिने भावकासाथ जनयुद्ध शुरु भएको थियो । त्यसमाथि उठेर सैद्धान्तिक रुपमा भन्नुपर्दा जनताको सत्ता, सांस्कृतिक, सामाजिक रुपान्तरण, लिंगभेद, जातिभेद, बर्णभेदको अन्त्य, क्रान्तिको निरन्तरताको लागि सर्बहारा बर्गको अधिनायकत्वको भाव लिएर शुरु भएको थियो । युद्धले आफ्नो गति लिइरहेकै बेला, जनताले आफ्नो रगतको आहुती दिएर एउटा निश्चित गन्तब्यमा जाने अवस्था तुल्याइरहेकै बेला दिल्ली वार्ताले दिशा मोड्यो । कथित संयुक्त जनआन्दोलनको सहमतिले युद्धले धपक्क बलेको आगोको भट्टीमा पानी खन्याइदियो । भट्टी चिस्याइदियो । ऊर्जा सिथिल बनाइदियो । बन्दुकहरुमा खिया लागे । सत्ता जित्ने सपनामाथि टुकुचाको जल टाउका माथि छर्कने काम भयो । रणनीति कार्यनीतिमा परिणत भयो । अहिले त कार्यनीति पनि बाँकी रहेन । हजारौँ भोल्टेजको विद्युतीय फ्युज उडेर राजनैतिक फ्युजनमा झर्यो । सिद्धान्त, दर्शन, कार्यनीति, नेपाली जनयुद्धले स्थापित गरेको पथ (प्रचण्ड) सबै पथभ्रष्ट भए । उतिबेलाका प्रचण्डपथका कमाण्डर आज उही फेरिएको नयाँ नाम थरको प्रतिगामी÷यथास्थितिवादी चुनावको पछि दौडेका छन् । आफू र आफ्ना परिवारलाई चुनावमा जित्न र जिताउनका लागि धाँधली र गठबन्धनका चरहरु खोज्दै र फराकिलो बनाउँदै छन् । प्रतिगामीहरुमात्र हैन, विस्तारवादी र साम्राज्यवादीसँग सत्तामा बस्न पाउँ भन्दै घुँडा टेकेर धनुष बनेका छन् । 

उता अर्का सिद्धान्तकार बैद्य बा टालाटुली बटुली कति राम्री पुतलीको गीतमा रमाएका छन्  । टाला बटुल्छन् । पुतली बनाउँछन् । पुतलीलाई साडी लगाइदिन्छन् । चोली भिराइदिन्छन् । त्यसैसँग खेल्छन् । अहिले पनि फेरि खिइएका, बुक्रा बारेर बसेका नौ दल बटुलेर पुतली बनाउँदै छन्ः लिम्पियाधुराको नक्सा सोझ्याउन र एमसीसी भगाउन । उनीसँग रहेको पुरानो दर्शन, सिद्धान्तका दिमागी पानाहरुमा धमिरा लाग्दैछ । मुसाले धुजाधुजा हुने गरी काट्दै छ । सार भन्ने चिज रहेन । रुपमा रमाउने बानी पार्दैछन् । अर्का बौद्धिक हस्ती, योजनाकार डा. बाबुरामको अन्तरमुखी स्वभावले पनि फड्को मार्ने, छलांग हान्ने, सर्पिल हैन, भ्यागुतोजस्तो फड्को मार्ने भन्ने अवस्था तुहियो । काँग्रेसी गठबन्धनको आधारमा जितेको सांसदको सिरक ओढेर भत्ता बुझ्दै गोडामा... न्यानोको अत्मरति लिँदैछन् । हिउँदमा जाडो हुन्छ । गर्मीमा पसिना आउँछ । बर्षामा पानीले भिजाउँछ । कतिबेला उनको दिवासपनाको संगठन बन्छ र राजनीतिले छलाङ हान्छ ? अर्का बाबुसाहेब नेत्र विक्रम चन्दले पनि सहिदको खेती गर्ने र त्यही खेतको फसल काटेर खाने बाहेक अर्को उपलब्धी देखिएको छैन । सत्ता बार्गेनिंगको लागि उनको हुँकार हो भन्ने धेरैतिरबाट पुष्टिँदै छ । 

जनयुद्धका यी हस्तीहरु सेलाएपछि जनयुद्धको सार र मर्म सेलाउने नै भयो । सत्ता कब्जाको रणनीति अहिले अर्थ कब्जामा सिमटियो । करोडौँ नेपाली जनताको बुद्धि भुटेर जनयुद्धलाई यसरी नाम, थर फेरिएको प्रतिक्रियावादी कित्तामा मिसाएर टुकुचा बनाउनु थियो त किन शुरु गरियो ? त्यत्रा मानिसलाई अकालमा किन मारियो ? नेपाली जनक्रान्तिको जाज्वल्यमान इतिहास खडा गरेको ओजपूर्ण झण्डालाई किन मुसालाई ओछ्यान बनाउन सिंहदरबारका कुनामा फालियो ? त्यसको स्पष्टीकरण दिने हिम्मत छ ? यो आजको जनयुद्ध दिवसले उठाएको यक्ष प्रश्न हो । जनयुद्धसँग जोडिन पुगेका रामे, श्यामे, हरि, महेश, आइती, मंगली, देबकी चुनमायाँ आदिको मन, मस्तिष्कमा सुल्झनै नसकेको प्रश्न हो । उत्तर कसले देला प्रतिक्षा गरौँ । 
 

Tags:




Related Pictures:













Related News:

अन्तरिक्षमा 'बिग ब्याङ्ग' पछिकै ठूलो विस्फोट पत्ता लाग्यो - 2020-02-28

मैनालीलाई ग्राण्डी अस्पतालमा भर्ना - 2020-02-27

ओलीकै अगाडि शाक्यले भनिन्: जन्मदिनमा बत्ती बाल्ने हाम्रो संस्कार हो। नेपाल आमाको केक बनाएर काट्ने होइन कमेरड यस्तो संस्कार त्याग्नुस् - 2020-02-27

आफ्नै पार्टीको सरकारप्रति विश्वासको संकट पर्‍यो: जनार्दन शर्मा - 2020-02-27

प्रधानमन्त्री ओली गोकुल वास्कोटाको बचाउगर्दै नेता कार्यकर्तामाझ कड्किए - 2020-02-27





बामदेव नेकपा सचिवालयका तुरुप ! - 2020-02-24

नेकपा नेता वामदेव गौतम सत्ता बाहिर रहन रुचाउने नेता होइनन् । सत्तामा बसिरहनुपर्ने गौतम आम निर्वाचनमा बर्दियाबाट हारेपछि संसदमा र सरकारमा प्रवेश गर्न सकिरहेका छैन । यही कारणले उनमा सांसद बन्ने र त्यसपछि प्रधानमन्त्री बन्ने हुटहुटी जागेको जाग्यै छ । चुनाव हारेका गौतममा पार्टी एकतापछि थप बेचैनी र अस्थिरता देखिएको छ । उनी कहिले ओली पक्षमा त कहिले प्रचण्ड पक्षमा उभिने गरेका छन् ।

समाचार विश्लेषण: प्रधानमन्त्री ओली आफैंले थापेको एम्बुसमा फस्दै ! - 2020-02-24

आफ्नै पुख्र्यौली जन्मथलोमा ६९ औं जन्मोत्सव मनाइरहेका प्रधानमन्त्री केपी शर्मा ओली नेतृत्वको सरकार अहिले आफैंले थापेको धरापमा फस्न थालेको छ । यो धराप आफ्नै आन्तरिक र बाह्य दुबै पक्षले यसरी थापिदिएका छन् कि यसबाट उम्कन उनलाई निकै मुस्किल पर्नेछ ।

कान्तिपुर मिडिया ग्रुपको निन्दनीय हर्कत - 2020-02-19

काठमाडौ,(प्रस): संसार जानकार छ कि कोरोना भाइरसको आक्रमण विरुद्ध हाम्रो घनिस्ठ मित्र देश चीन सम्पूर्ण शक्ति खर्चेर लडिरहेको छ । अप्रत्याशित रुपमा विपत्ति सरह कोरोना भाइरस फैलिदै गर्दा राज्यशक्तिको सम्पूर्ण प्रयास कोरोना विरुद्ध परिचालन गरेकै कारण यो भाइरस महामारी हुन पाइरहेको छैन । चीनले भाइरस नियन्त्रणमा आशातित सफलता हासिल गर्दै गइरहेको छ । चीनले भाइरस नियन्त्रणमा गरेको अथक प्रयासलाई विश्व स्वास्थ संगठनदेखि सिङ्गो अन्र्तराष्ट्रिय जगतले मुक्तकण्ठले प्रशंसा गरिरहेका छन् ।

सरकारका दुई वर्ष : जनतामा हर्ष न विस्मात - 2020-02-19

अवसरका हिसावले दुर्लभ, झण्डै दुई तिहाई बहुमत, जिम्मेवारीका हिसावले संविधान र संघीयता कार्यान्वयनको ऐतिहासिक कार्यभार, अवसरका हिसाबले करीव दुई दशक विकास ठप्प प्रायः भएको अवस्थाको अन्त्य गर्ने मौका । वर्तमान केपी ओली नेतृत्वको नेपाल कम्युनिस्ट पार्टी (नेकपा) को सरकारलाई चौतर्फी फलीफाप हुने अनुकूल अवस्था नै थियो ।

प्रदेश र स्थानीय तहबीच द्वन्द बढ्दो - 2020-02-17

एनके दाहाल:संघीय सरकारले जथाभावी हस्तक्षेप गरेको भन्दै प्रदेश सरकारहरुले संघ सरकारबिरुद्ध बिभिन्न निर्णय गर्ने तथा अभिब्यक्ति दिने काम भइरहेको छ । बिशेष गरी २ नँ प्रदेश सरकारले संघीय सरकारबिरुद्ध सागरनाथ वन परियोजनाको बिषयलाई लिएर अदालतमा मुद्दा दायर गरेको छ भने जनकपुर चुरोट कारखाना सञ्चालन गर्ने संघीय सरकारको प्रयासलाई चुनौती दिदै कारखानाको सबै कार्यालय कब्जा जमाएर प्रदेश कार्यालयहरु राखिरहेको छ ।

जनता कहीँ पनि खुशी देखिँदैनन् - 2020-02-15

पुष्पकमल दाहाल प्रचण्डLसरकार आफ्नो तर्फबाट राम्रो काम गर्न अगाडि नबढेको भन्न मिल्दैन । संघीय गणतन्त्र कार्यान्वयन गर्न आवश्यक थुप्रै कानून बनाउन आवश्यक थियो । त्यो नहुँदा संविधानिक संकट आउन सक्थ्यो । कानूनहरू बनाउने कुरामा सरकारले राम्रो गर्‍यो । एकसय भन्दा बढी कानून बनाएर सरकारले संविधान कार्यान्वयनमा सहज वातावरण बनाएको छ ।

ओली सरकारका असफलता - 2020-02-14

प्रधानमन्त्री केपी शर्मा ओलीले सरकारको बागडोर सम्हालेको दुई वर्ष पूरा भएको छ । प्रधानमन्त्री ओली र उनीनिकटका मन्त्रीहरुले सरकारले दुई वर्षमा उल्लेख्य काम गरेको दावी गरिरहे पनि नागरिकको जीवनमा यो दुई वर्षमा के भिन्नता आयो ? यो कोणबाट हेर्दा सफलताभन्दा गुनासाका पुलिन्दा नै धेरै छन् । सरकारी दावीलाई जनताले पत्याइरहेका छैनन् ।

पूर्वएमालेले नस्वीकारेको ‘जनयुद्ध दिवस !’ - 2020-02-14

नेपाल कम्युनिस्ट पार्टी (नेकपा)को पार्टी कार्यालय धुम्बाराहीमा बिहान नौ बज्नुअघि नेता कार्यकर्ता भरीभराउ भैसकेका थिए । विगतका आन्दोलनमा सहादत प्राप्त गरेका सहिदहरुको स्मरणमा आयोजित कार्यक्रमको निर्धारित समय नौ बजेका लागि तोकिएकाले नेता कार्यकर्ता त्यसअघि नै पार्टी कार्यालय पुगेका थिए । पार्टी कार्यालय पुगेका अधिकांशको जिज्ञाशा थियो– अध्यक्ष केपी ओली कार्यक्रममा सहभागी होलान् या नहोलान् ?

सत्ता कब्जाको रणनीति अहिले अर्थ कब्जामा - 2020-02-14

वसन्त पोखरेल:त्यतिबेलाको त्यो स्पिड । कसैका हातमा पर्चा, कसैका हातमा पोष्टर, कसैका हातमा माड, कसैका हातमा इनामेल र ब्रस । कसैले देख्छ कि भन्दै बिरालोको चालमा लुपुक्क हिँडेर भित्ता खोजिन्थ्यो पोष्टर टाँस्नका लागि । पसलका सटरभित्र कुनै आवाज नआउने गरी पर्चा घुसाइन्थ्यो । घरको बार्दलीमा पुग्ने गरी ढुंगाका टुक्राहरु लोमेर पर्चा फ्याँकिन्थ्यो । इनामेल, कुचीसँग खेल्नेहरुलाई पालो बस्ने र सावधान तुल्याउँदै सडक, सार्वजनिक विद्यालयका पर्खालहरुमा नारा लेखिन्थ्यो

जनयुद्धः कम्युनिष्ट आन्दोलनको रक्तिम इतिहास - 2020-02-13

तत्कालिन नेपाल कम्युनिष्ट पार्टी (माओवादी)ले दिर्घकालिन जनयुद्ध मार्फत संसदीय व्यवस्था ध्यवस्तगर्दै नयाँ जनवादी राज्यसत्ता स्थापना गर्ने महान उदेश्यका साथ थालेको सशसस्त्र संघर्षमा विराम लागेपनि त्यसलाई अहिलेको सत्तारुढ दल नेपाल कम्युनिष्ट पार्टीले फरक शैलीमा मनाउँदैछ । सशस्त्र संघर्षको नेतृत्व गरेको माओवादी र संसदीय व्यवस्थालाई स्वीकार्दै अगाडि बढेको नेकपा एमाले बीचको पार्टी एकतापछि भने २५ औं जनयुद्ध दिवशलाई निश्चित धेराभित्र राखेरै भएपनि संझने प्रयत्न गरिएको छ ।

वरको रुखमुनी ओत लाग्दा तप्केनी सहनुपर्छ - 2020-02-13

नबराज थिङ:नेपालमा यतिबेला एमसीसीका बारेमा सार्थक बहस भएको छैन । कुनै राजनीतिक दलहरूले औपचारिक रूपमा यो आवश्यक हो वा होइन भन्ने बारे निर्णय लिएका छैनन् । केही राजनीतिक दलका केही नेताहरू व्यक्तिगत रूपमा एमसीसीका पक्षमा वकालत गरिरहेका छन् । नेतृत्वका असंख्य कमजोरीको दुष्चक्रमा लामो समयदेखि फस्दै आएको मुलुक हो नेपाल । भारतसँग गरिएका कोसी सम्झौता, गण्डक सम्झौता, महाकाली सम्झौता जस्ता दर्जनौँ सम्झौताहरूमा नेपाल तल पर्दै आएको सत्य घामझैं छर्लङ्ग छ ।

कोरोनाभाइरस: चीनमा फैलिएको महामारीको अफवाह र मिथ्या समाचारको चिरफार - 2020-02-04

बीबीसी:कोरोनाभाइरसको प्रकोप फैलिएपछि चीनमा अहिलेसम्म ४२५ जनाको मृत्यु भइसकेको छ भने २०,००० मानिसमा सङ्क्रमण भएको पुष्टि भएको छ। अन्य एक दर्जनभन्दा बढी देशका १५० भन्दा बढी मानिसमा पाइएको सङ्क्रमणमा चीनबाहिर फिलिपिन्समा एक र हङ्‌कङमा एक जनाको मृत्यु भएको छ। तर चीन र अन्य देशमा भाइरस मात्र फैलिएको छैन, धेरै गलत सूचना पनि फैलिएको छ। महामारी सुरु भएपछि धेरै अफवाह फैलिएको छ। चमेरोको सुरुवाबारे एउटा भिडिओबारे त तपाईँले थाहा पाइसक्नुभयो होला। बीबीसीले ती अफवाहको मूल खोज्ने प्रयास गरेको छ।

सिन्धुली गढीमा शालिकको राजनीति ! - 2020-01-14

 फणीन्द्र फुयाल ज्वालानेपाल एकीकरण अभियानका नेतृत्वकर्ता पृथ्वीनारायण शाहको २९८ औँ जन्मजयन्ती तथा राष्ट्रिय एकता दिवसका अवसरमा देशका थप दुई स्थानमा एकैसाथ शालिक अनावरण भएका छन् । सिन्धुली जिल्लाको सिन्धुली गढी किल्ला परिसर र काठमाडौंस्थित नेपाली सेनाको हेडक्वार्टरमा आइतबार पृथ्वी नारायणका नयाँ शालिकहरू अनावरण भए । नेपाल एकीकरण गर्ने राजा र रजौटाहरूको मान सम्मान गर्ने बेला बल्ल आएको हो कि ! जनयुद्धको जगमा बिभिन्न राजनीतिक पार्टीको सहभागितामा जव नेपालमा ०६२/६३ सालको दोस्रो जनआन्दोलन हुँदै थियोे र जनताको तागतले राजाको प्रत्यक्ष शासन अन्त्य गर्यो तव देशका अधिकाँश स्थानमा ठडिएका राजाहरूका शालिक धमाधम तोडिए ।

सन्दर्भ राष्ट्रिय एकता दिवशः पुष्पलालको माक्र्सवादी कसीमा पृथ्वीनारायण - 2020-01-12

लोकनारायण सुवेदी: यो इतिहासले सत्य साबित गरिसकेको तथ्य हो कि बिश्वमा १७ वटा देशहरु मात्र अस्तित्वमा रहेको बेलामा पनि नेपाल भन्ने देश समेत उपस्थित रहेको थियो । यसले एउटै कुरा प्रष्ट हुन्छ कि नेपालको इतिहास धेरै पुरानो मानब सभ्यता भएको इतिहास हो । यसको साँस्कृतिक, धार्मिक, ऐतिहासिक र भौगोलिक एवं नृबंशीय बिबिधताले पनि यस तथ्यलाई उजागर गर्दछ । नेपालको इतिहासको खोजी र पुनर्निर्माणको काम र क्रम जारी छ, सकिएको छैन । सत्यको आधारमा तथ्य पत्ता लगाउने र नेपाल बिगतदेखि बर्तमानसम्म के कसरी फैलिदै र खुम्चिदै अस्तित्वमान रह्यो भन्ने कुराको अनुसन्धान, अन्बेषण भइसक्यो र निष्कर्श अब निस्किसक्यो अनि यसको सम्पूर्णरुपले अन्तिम टुगो लागि सक्यो भन्ने कुरा छैन ।

एमसीसीः सहायताको आवरणमा हस्तक्षेपको नीति - 2019-12-25

अमेरिकी सहयोगसम्बन्धी प्रस्ताव मिलेनियम च्यालेन्ज कर्पोरेसन (एमसीसी) कार्यान्वयन गर्ने कि नगर्ने भन्ने सन्दर्भमा सत्तारुढ नेकपाको स्थायी समितिको वैठकमा चर्काचर्की बहस त भयो तर निर्णय गर्ने जिम्मा सचिवालयतिर धकेलियो । यसले विषयको गम्भीरताबारे सत्तारुढ दलको विभाजित मानसिकता देखायो, जबकि प्रधानमन्त्री केपी ओलीले नै यो सम्झौता संसदले पारित गर्ने घोषणा नै गरिसकेका छन् ।

ओलीको नयाँ मधेश अस्त्र - 2019-12-25

प्रधानमन्त्री केपी शर्मा ओलीले सत्तारोहणलगत्तै समाजवादी पार्टीका अध्यक्ष उपेन्द्र यादवलाई सरकारमा ल्याए । प्रदेश २ मा शक्तिशाली बनेको समाजवादीले राष्ट्रिय जनता पार्टीसँगको सहकार्यमा मुख्यमन्त्री समेत प्राप्त गर्यो । लालबाबु राउत मुख्मन्त्री बने केन्द्रमा उपेन्द्र यादव उपप्रधानमन्त्री बने । प्रदेश दुईमा समाजवादी र राजपाको सहकार्य यथावत रह्यो ।

सरकारले गुमायो दुई तिहाई बहुमत ! - 2019-12-24

लामो समयदेखि सरकारबाट बाहिरिने बताउदै आएको सत्तासाझेदार दल समाजवादी पार्टी नेपालले अन्तत सरकारबाट बाहिरिने निर्णय गरेको छ । मंगलबार दिउंसो बसेको पार्टी शिर्ष नेताहरुको बैठकले यस्तो निर्णय गरेको हो । यो निर्णय संगै अव समाजवादी पार्टीले गर्ला ? नेपाली राजनीतिमा कसरी अगाडी बढ्ला ? भन्ने जस्ता विषयहरुमा समेत चर्चा सुरु हुन थालेको छ ।

स्तालिनप्रति उच्च सम्मान - 2019-12-21

महान लेनिनका सहयोद्धा समाजवादी सोभियत संघका रक्षक, बिकासको नेतृत्वकर्ता तथा समुन्नत र शक्तिशाली सोभियत समाजवादी समाज बनाउने जोसेफ स्तालिनको जन्म भएको थियो २१ डिसेम्बर १८७९ मा अनि त्यो सोभियत संघ २१ डिसेम्बर कै दिन १९९१ मा अस्तित्वबिहीन तुल्याइएको थियो ’पेरोस्त्रोइका’ र ’ग्लास्नोस्त’को वकालत गर्ने मिखाइल गोर्भाचेभद्वारा ।

पञ्चायत अझैं ढलेन ! - 2019-12-20

चन्द्रकिशोर झा:इतिहासलाई आआफ्नो सुविधा अनुसार, आआफ्ना फुटनोटका साथ सार्वजनिक विमर्शमा ल्याइँदै छ, यतिखेर । विश्वेश्वरप्रसाद कोइराला नेतृत्वमा बनेको निर्वाचित मन्त्रिमण्डल र संसदका दुवै सदनलाई २०१७ पुस १ मा राजा महेन्द्रले विघटन गरेÙ बहुदलीय संसदीय प्रजातान्त्रिक व्यवस्थाको निर्मम हत्या गरे अनि ‘पञ्चायत’ का नाममा नेपाली राजनीतिमा नयाँ अध्याय सुरु गरे, जसलाई जनताको राजनीति गर्नेहरूले ‘अँध्यारो काल’ भन्छन् ।

वर्तमान अवस्थामा मानव अधिकारको अभियान - 2019-12-09

बद्रीप्रसाद सिवाकोटी:यतिवेला हामी नेपालमा विश्व मानव अधिकारको ७१ औं दिवस मनाइरहेका छौं । विगत ११ बर्षदेखि मानव अधिकार महा सम्मेलन हरेक बर्ष डिसेम्बर १० लाई सम्झेर मनाईने गरिन्छ । विश्व मानव अधिकारको घोषणा भएको १९४६ डिसेम्बर १० मनाउने क्रममा नेपालको एक दलिय निरंकुश राजतन्त्रको समय निकै कठोर थियो । १९८८ मा ४० औं विश्व मानव अधिकार दिवस मनाउन नेपालका बरिष्ठ राजनीतिज्ञहरुको महत्व पूर्ण योगदान छ । नागरिक तथा राजनीतिक अधिकारको लागि लड्ने त्यो बेलाका सशक्त व्यक्तित्वहरु लाई नसम्झिकन हामीले मनाउदै गरेको मानव अधिकार बर्ष तथा महासम्मेलन अधुरै लाग्छ ।

नेपाल-भारत सीमा विवाद पेचिलो बन्दै - 2019-11-06

नेपाल–भारत सीमा विवाद फेरि सतहमा आएको छ । नेपालको दार्चुला जिल्लामा पर्ने लिपुलेक, लिम्पियाधुरा र कालापानी क्षेत्रलाई भारतले आफ्नो नयाँ राजनीतिक नक्सामा औपचारिकरुपमै राखेर प्रकाशित गरेपछि यो गम्भीर बहसको विषय बनेको छ । भारतले गत शनिबार नयाँ नक्सा सार्वजनिक गर्नेक्रममा लिपुलेक, लिम्पियाधुरा र कालापानी क्षेत्रलाई आफ्नो नक्सामा समावेश गरेको छ ।










Powered by: Exclusively Solution