अर्थ / व्यापार




त्रिभुवन अन्तर्राष्ट्रिय विमानस्थलः व्यवसायीकोे स्वार्थमा बन्धक


सम्झौताको जग नै अनियमितता
प्रधानमन्त्री केपी शर्मा ओलीले २६ मंसीर २०७५ मा प्रधानमन्त्री कार्यालयको सहयोगमा उत्पादित तथा नेपाल टेलिभिजनबाट प्रसारण हुने ‘जनतासँग प्रधानमन्त्री’ कार्यक्रममा घोषणा गरे, “त्रिभुवन अन्तर्राष्ट्रिय विमानस्थललाई मौलिकता झल्कने, आधुनिकता टल्कने बुटिक एअरपोर्ट बनाइनेछ ।” तर, प्रधानमन्त्रीको यो घोषणालाई विमानस्थल (टीआईए) को अग्रभागमा निर्मित पाँचतले भवनले गिज्याइरहे झै लाग्थ्यो ।

विमानस्थल प्रवेशद्वारको दायाँतर्फ बनेको पाँचतले यो संरचना, जसको निर्माण गर्ने सम्झौता देखि हाल संचालनमा आउँदासम्म जालझेल र तिकडमबाहेक केही देखिन्न । विवादास्पद व्यापारी दीपक मल्होत्रा, निर्माण व्यवसायी तथा नेपाली कांग्रेसका तर्फबाट रसुवाबाट निर्वाचित प्रतिनिधिसभा सदस्य मोहन आचार्य तथा साढे ३३ किलो सुनकाण्डका एक अभियुक्त विमल पोद्दार संलग्न ‘रसुवा केडी ज्वाइन्ट भेन्चर’ नामक कम्पनीबाट भएको यो नियम विपरीतको संरचना निर्माणमा अख्तियार दुरुपयोग अनुसन्धान आयोगका तत्कालीन प्रमुख आयुक्त लोकमानसिंह कार्कीदेखि वर्तमान सरकारका उच्च अधिकारीहरूसँगको सम्बन्धले समेत काम गरेको छ ।

टीआईए परिसरमा यो भवनसँगै सवारी पार्किङ स्थल, आधुनिक पार्क, बालबालिकालाई खेल्ने ठाउँ, प्रतीक्षालय कक्ष र विमानस्थल व्यवसायसँग सम्बन्धित पूर्वाधार निर्माण गरी संचालन समेत गर्ने भन्दै २ कात्तिक, २०६९ मा नागरिक उड्डयन प्राधिकरण र रसुवा केडी जेभीबीच सम्झौता भएको थियो ।

सम्झौता अनुसारको संरचना निर्माण गरी व्यवसाय समेत गर्न रसुवा केडीले विमानस्थल परिसरको ५२ रोपनी १२ आना भन्दा बढी जग्गा ३० वर्षका लागि लिजमा पायो । तर सम्झौतामा तोकिएको मापदण्ड विपरीतको यो भवन र सवारी पार्किङस्थल बाहेक केही पनि बनेका छैनन् । मधेश तराई कर्मचारी युनियन, प्राधिकरण इकाई अध्यक्ष अनिल गुप्ताकै भनाइमा ‘सम्झौता र मापदण्ड विपरीतका संरचना निर्माण भइरहँदा व्यवस्थापनले रोक्न सकेन ।’ गुप्ताले आफ्नो भनाइ १६ पुस २०७५ मा प्राधिकरणको वार्षिकोत्सव कार्यक्रममा सार्वजनिक रूपमै राखेका थिए ।

सम्झौता विरुद्ध बनेको भवन र त्यससँग जोडिएका विभिन्न स्वार्थको कर्मचारी तहबाटै विरोध भएपछि प्राधिकरणले २०७५ चैतमा निमित्त उपमहानिर्देशक जगन्नाथ निरौलाको संयोजकत्वमा सात सदस्यीय ‘समस्या समाधान समिति’ बनायो । जसले २०७६ वैशाखमा बुझाएको अध्ययन प्रतिवेदनमा ‘सम्झौता विपरीतको ढाँचामा बनाइएको भवनको सुरक्षा अवस्था र त्यसले उडान सुरक्षामा पार्ने सम्भावित असरबारे सरकारी निकायबाटै जाँच गरी आवश्यक परे भत्काउन’ सिफारिश गरेको छ । त्यस्तै, भवन निर्माणका क्रममा भएका थुप्रै अनियमितता औंल्याएको निरौला समितिले सम्झौता विपरीत बनेको भवन केही गरी भत्काउन नपर्दा हिजो तय रोयल्टी बाँडफाँड सम्बन्धी व्यवस्थालाई पुनरावलोकन गर्न पनि सिफारिश गरेको छ । 

यद्यपि प्रतिवेदन बुझाएको एक महीना नाघ्दा पनि यसका सिफारिशहरू कार्यान्वयन हुने छाँट देखिएको छैन । जबकि वैशाख अन्तिम साता निरौला समितिले बुझाएको प्रतिवेदन तत्काल कार्यान्वयन गर्न र त्यसबारे प्राधिकरणलाई जानकारी दिन महानिर्देशक सञ्जीव गौतमले विमानस्थल कार्यालयलाई निर्देशन दिएका थिए । प्राधिकरणका निमित्त महानिर्देशक राजन पोखरेल भन्छन्, “प्रतिवेदन कार्यान्वयन भएको पत्र विमानस्थल कार्यालयबाट आएको मलाई जानकारी छैन ।”

प्राधिकरणका अधिकारीहरू निर्माण कम्पनीका व्यवसायीहरूको सिंहदरबार र बालुवाटारसम्मको पहुँचका कारण निरौला समितिको सिफारिश कार्यान्वयनमा शंका व्यक्त गर्छन् । निर्माण कम्पनी रसुवा केडी जेभीको दबदबा कतिसम्म छ भने, निरौला समितिमा नियुक्त इन्जिनियरिङतर्फका तीन जना सदस्य समितिमै बसेनन् । विमानस्थल कार्यालय अन्तर्गत सिभिल महाशाखा प्रमुख इन्जिनियर चन्द्रमणि सापकोटा, सिभिल इन्जिनियर मुरारी भण्डारी र मेकानिकल इन्जिनियर कुलप्रसाद सिम्खडा समितिमा बस्नै मानेनन् । कारण थियो– भवनबारे सत्यतथ्यमा आधारित प्राविधिक राय दिंदा आफैं निशानामा परिने त्रास । त्यसै कारण प्रतिवेदनमा संयोजक निरौलासँगै प्रशासनतर्फबाट नियुक्त सदस्यहरू थिरबहादुर खत्री, हेम दाहाल र द्वारिका भट्टराईको मात्र हस्ताक्षर छ ।

“थाहा छ, यसको सम्झौतादेखि निर्माण र संचालनसम्मको जग अनियमितता नै हो” समितिमा बस्न नचाहेकामध्येका एक इन्जिनियर भन्छन्, “तर, जब अनुसन्धान गर्नुपर्ने व्यक्तिलाई प्रधानमन्त्रीका प्रत्येक विदेश भ्रमणमा सँगै देखिन्छ, आउजाउ बाक्लो छ भनेर थाहा छ, कसरी र के छानबिन गर्ने ?” उनको इशारा कम्पनीका एक साझेदार दीपक मल्होत्रातिर थियो ।    

सम्झौताको जग नै अनियमितता

त्रिभुवन अन्तर्राष्ट्रिय विमानस्थललाई कुरुप बनाउने गरी चलेको पछिल्लो निर्माणको बीउ रोपिएको हो, २३ मंसीर २०६६ मा– जतिबेला माधवकुमार नेपाल नेतृत्वको सरकारले विमानस्थल अगाडिको यो जग्गाको स्वामित्व हवाई विभागबाट नागरिक उड्डयन प्राधिकरणमा सार्ने निर्णय ग¥यो । लगत्तै २६ मंसीरमा प्राधिकरणले विमानस्थलको आगमन क्षेत्रमा सवारी पार्किङ, बाहिर निस्कने मार्ग, प्रतीक्षा कक्ष, चमेना गृह, पार्क–बगैंचा, बालबालिका खेलस्थल लगायतका पूर्वाधार बनाउन निर्माण कम्पनीहरूसँग मनसाय पत्र माग ग¥यो । मनसाय पत्र पेश गरेका पाँचमध्ये छनोट गरिएका तीन कम्पनीसँग प्राधिकरणले आर्थिक तथा प्राविधिक प्रस्ताव माग्यो । तीमध्ये एउटाको प्रस्ताव रीत नपुगेको, अर्कोकोे प्राविधिक रूपमा त्रुटिपूर्ण रहेको भन्दै प्राधिकरण संचालक समितिले ३२ असार २०६७ मा दीपक मल्होत्रा, विमल पोद्दार र मोहन आचार्य साझेदार रहेको ‘रसुवा केडी जेभी’ सँग वार्ता गरी सम्झौताको आधार तयार गर्न प्राधिकरण व्यवस्थापनलाई निर्देशन दियो ।

यही निर्देशनमा प्राधिकरणले रसुवा केडीसँग ३१ साउन २०६७ मा ३० बुँदे सहमति ग¥यो भने त्यसै सहमतिका आधारमा १७ भदौ २०६७ मा विमानस्थल कार्यालय र निर्माण कम्पनीबीच समझदारी भयो । जुन तत्काल कार्यान्वयमा आएन, बरु दुई वर्ष लम्बियो । पछि, बाबुराम भट्टराई नेतृत्वको सरकारले यसअघिका सहमति र समझदारीका आधारमा सम्झौता गर्न २८ असार २०६९ मा स्वीकृति दियो ।

त्यसको करीब तीन महीनापछि २ कात्तिक, २०६९ मा प्राधिकरण र रसुवा केडीबीच सम्झौता भयो । सम्झौतामा टीआईए कार्यालयका तत्कालीन महाप्रबन्धक रतीशचन्द्र लाल सुमन र रसुवा केडी जेभीका मोहन आचार्यले हस्ताक्षर गरेका छन्, निर्माण कम्पनीका अर्का साझेदार दीपक मल्होत्रा साक्षी बसेका छन् ।

संस्कृति, पर्यटन तथा नागरिक उड्डयन मन्त्रालयमा काम गरिसकेका एक सचिव भन्छन्, “सुन तस्करीको आरोपमा मुछिएका व्यक्तिहरू समेत संलग्न कम्पनीले नै विमानस्थलमा पूर्वाधार निर्माण गर्दैछ भन्ने पत्यार थिएन । तर, राजनीतिक पहुँच हुँदा जे पनि हुनसक्दो रहेछ ।”

रसुवा केडीका एक साझेदार विमल पोद्दार साढे ३३ किलो सुन तस्करी प्रकरणमा प्रहरीले पक्राउ गरी मुद्दा चलाएका व्यक्ति हुन् भने अर्का साझेदार मल्होत्रा पनि विवादास्पद व्यापारी हुन् । दशक अघिसम्म सुन तस्करीसँगै जोडिएर चर्चामा आउने मल्होत्रामाथि नक्कली कारोबार गरी भ्याट फिर्ता लिएको आरोपमा सर्बोच्च अदालतमा मुद्दा चलिरहेको छ ।

राजनीतिक र प्रशासनिक तहमा बलियो साथ लिएर जग बसालिएको यस योजनामा रसुवा केडीको संलग्नताकै लागि जालझेल गरिएको छ । मन्त्रिपरिषद्को स्वीकृति, प्राधिकरणसँगको सहमति र विमानस्थल कार्यालयसँगको समझेदारी विपरीत सम्झौता भएको छ । तत्कालीन कानून, न्याय, संविधानसभा तथा संसदीय मामिला मन्त्रालयले २६ असार २०६९ मा दिएको ‘संरचनाको डिजाइन, निर्माण अवधि लगायतका विषयमा प्रष्ट खुलाउन’ भनेर दिएको रायलाई पालना गर्नू भन्ने तत्कालीन मन्त्रिपरिषद्को २८ असारको निर्देशन सम्झौताका क्रममा पालना भएन ।

कतिसम्म भने, त्यसअघिका सहमति र समझदारी पत्रमा उल्लेख ‘सम्झौता भएको दिनबाटै रसुवा केडीले जग्गाको भाडा तिर्नुपर्ने’ शर्तलाई सम्झौतामा भने ‘भवन निर्माण सम्पन्न भएपछि मात्र लिने’ बनाइयो । शुरूमा २१ महीनामा निर्माण सम्पन्न गर्ने बुँदा सम्झौतामा रहे पनि पछि १८ महीना थपेर ३९ महीना पु¥याइयो । जबकि सम्झौतामा भने तोकिएको म्यादभित्र निर्माण सम्पन्न नभए बढीमा तीन महीनासम्म थप्न सकिने व्यवस्था थियो । सम्झौतामा भएको यो फेरबदलले जग्गा भाडा बापत विमानस्थलले पाउनुपर्ने रु.२ करोड ५३ लाख गुमेको छ । मन्त्रिपरिषद्ले पारित गरेको सहमति पत्र विपरीत किन म्याद थप गरिएको भन्ने प्रश्नमा सम्झौताका एक हस्ताक्षरकर्ता विमानस्थल कार्यालयका तत्कालीन महाप्रबन्धक रतिशचन्द्र लाल सुमन भन्छन्, “अहिले मसँग ती कागजात नभएकाले केही भन्न सक्दिनँ ।”

बदमासी कतिसम्म छ भने, आर्थिक वर्ष शुरू हुनु एक साता अगावै भाडा बुझाउनुपर्ने भनी सरकारले स्वीकृति दिंदा कायम शर्तलाई सम्झौतामा आर्थिक वर्ष समाप्त हुनुभन्दा एक महीनाअघि मात्र भाडा तिर्नुपर्ने बनाइएको छ । त्यस्तै, सम्झौता भएकै दिनबाट लागू हुनुपर्ने करार अवधि सम्बन्धी समझदारी पत्रको प्रावधानलाई उल्ट्याई ‘पूर्वाधारहरू तयार गर्न दिइएको कार्यादेशमा उल्लेख भएको समयावधि समाप्त भएपछि यो सम्झौता स्वतः लागू हुने’ बनाइएको छ । जबकि कार्यादेशमा समयावधि उल्लेख छैन । पूर्वाधार निर्माणसँग सम्बन्धित नक्शा, डिजाइन, योजना जस्ता विभिन्न विवरण सम्झौता भएको ३० दिनभित्र पेश गर्नुपर्ने भनेर समझदारी पत्रमा उल्लेख व्यवस्था सम्झौताबाटै हटाइएको छ । अर्थात् समग्रमा प्राधिकरणलाई नोक्सान र रसुवा केडीलाई लाभ हुने गरी सम्झौता गरिएको छ ।

प्राधिकरणका निवर्तमान महानिर्देशक सञ्जीव गौतम पनि सरकारले दिएको स्वीकृति विपरीत सम्झौता भएको स्वीकार्छन् । भन्छन्, “यस सम्बन्धी सम्पूर्ण निर्णय विमानस्थल कार्यालयबाट भएको हो । सरकारले स्वीकृत गरेको सहमति र समझदारीभन्दा बाहिर जाने छुट कसैलाई छैन ।”





Related Pictures:













Related News:

समाजवादी पार्टीले संविधान दिवसमा दीपावली नगर्ने - 2019-09-16

कांग्रेसको अवरोधपछि संसद बैठक स्थगित - 2019-09-16

उत्तर कोरियालाई आफ्नो लगानी फिर्ता लैजान नेपाल सरकारको निर्देशन - 2019-09-16

वार्तामा वोलाएर सिंहदरवारबाटै पत्रकारहरु पक्राउ - 2019-09-16

चावहिलको शव जलाउने घाटमा नाराबाजी - 2019-09-15





निगमले पेट्रोलियम पदार्थको मूल्य घटायो - 2019-09-10

काठमाडौ,(प्रस): नेपाल आयल निगमले पेट्रोलियम पदार्थको मूल्य घटाएको छ। स्वचालित मूल्य प्रणालीअनुसार मूल्य समायोजन गरिएको आयल निगमले जानकारी दिएको छ।

साझा कृषि सहकारी संस्थाको पहिलो वार्षिक साधारणसभा सम्पन्न - 2019-09-07

सिन्धुली,(प्रस)कमलामाई नगरपालिकामा दर्ता भई सञ्चालनमा रहेको साझा कृषि सहकारी संस्थाको पहिलो वार्षिक साधारणसभाको एक समारोहका बीच कमलामाई नगरपालिकाका प्रमुख खड्गवहादुर खत्रीले उद्घाटन गरेका छन् । प्रमुख अतिथिको रुपमा बोल्दै नेकपा सिन्धुलीका नेता समेत रहेका मेयर खत्रीले नगरभित्रका सहकारीले नाम अनुसारको काम गर्न नसकेको बताउँदै सहकारीको माध्यमबाट गरिने विकासले मात्रै समाजवादी राज्य व्यवस्थाको मार्ग तय हुने बताए ।

नेपाल टेलिकमले फोरजी सेवा अपग्रेड गर्दा शनिबार राति सेवा अवरूद्ध हुनसक्ने - 2019-09-07

काठमाडौ,(प्रस)शनिबार राती ११:३० बजेदेखि अपग्रेडको काम सुरू हुने भएकोले त्यस समयमा मोवाइल सेवा प्रयोगमा कठीनाइ आउनसक्ने टेलिकमले जनाएको छ। मोवाइल सेवा अबरूद्ध हुन पुगे मोवाइल स्वीच अफ गरी अन गर्न पनि नेपाल दुरसञ्चार कम्पनी लिमिटेड, वायरलेस सेवा निर्देशनालय बबरमहलले सूचना निकालेर जानकारी गराएको छ।

अमेरिकी सामानमा चीनद्वारा थप कर वृद्धि गर्ने घोषणा - 2019-08-24

एजेन्सी : चीनले ७५ अर्ब अमेरिकी डलर बराबरको अमेरिकी सामानको आयातमा नयाँ कर वृद्धिको घोषणा शुक्रबार गरेको छ । चीन सरकारले दिएको जानकारी अनुसार उक्त नयाँ कर वृद्धि योजना आगामी सेप्टेम्बर १ र डिसेम्बर १५ देखि दुई चरणमा कार्यान्वयनमा ल्याउने तयारी गरेको छ । चीनको करवृद्धिसम्बन्धी पछिल्लो निर्णय वासिङ्टनले सेप्टेम्बरदेखि चिनियाँ सामानमाथि कर वृद्धि गर्नेगरी निर्णय लिएको थियो ।

भारतीय नाकाबन्दीका कारण बन्द रहेको बधशाला आइतबारदेखि सञ्चालन - 2019-08-23

सुमकवानपुरको हेटौंडामा रहेको आधुनिक पशु बधशाला आगामी आइतबारदेखि संचालनमा आउने भएको छ। भारतीय नाकाबन्दीका कारण बन्द रहेको बधशाला सरकार र निजी पक्षको पहलमा पुनः संचालनमा आउने भएको हो।

श्रोत नखुलेको झन्डै १६ लाख भारतीय रकमसहित ५ व्यक्ति पक्राउ - 2019-08-21

दाङ,(प्रस)दाङमा स्रोत नखुलेको झन्डै १६ लाख भारतीय रकमसहित ५ व्यक्ति पक्राउ परेका छन् । पक्राउ पर्नेमा एक महिलासहित चार पुरुष रहेका छन् ।

राजमार्गमा विमान अवतरणबारे अध्ययन थालिँदै - 2019-08-21

काठमाडौ,(प्रस)राष्ट्रिय राजमार्गलाई धावनमार्गको रुपमा उपयोग गर्ने योजना ल्याएको सरकारले सम्भावित खण्डहरुको अध्ययन गर्ने भएको छ । चालु आर्थिक वर्षको नीति तथा कार्यक्रममा राजमार्गका विभिन्न खण्डलाई धावनमार्गका रूपमा प्रयोग गर्ने भनिएको थियो । यस्तो योजनामाथि पर्यटन तथा नागरिक उड्ययन मन्त्रालयका उच्च अधिकारीहरुले नै प्रश्न उठाइरहेका छन् ।

१७ करोड हिनामिना गरेको अभियोगमा बैंक म्यानेजर पक्राउ - 2019-08-21

काठमाडौ,(प्रस)देब विकाश बैंक नारायणपुर शाखाका म्यानेजर पक्राउ परेका छन् । बैंकको १७ करोड रुपैयाँ आर्थिक हिनामिना गरेको अभियोगमा बैंकका म्यानेजर समिर बुढाथोकी पक्राउ परेका हुन । बुढाथोकी माथि बैंकको १७ करोड रकम घोटाला गरेको अभियोग लागेको छ । प्रहरीले उनलाई गएराति घोराही उपमहानगरपालिका वडा नं. १० नारायणपुर क्षेत्रबाट पक्राउ गरेको हो ।

पाँच बैंकले मिचे राष्ट्र बैंकको नियम - 2019-08-19

काठमाडौ,(प्रस)ऋणीबाट लिने व्याज र बचतकर्तालाई (निक्षेपमा) दिने व्याजको फरक दर नै बैंकहरुको मुख्य आम्दानीको स्रोत हो। व्याजदरको यही फरक दरलाई ‘स्प्रेड दर’ भनिन्छ। राष्ट्र बैंकले गत आर्थिक वर्षको मौद्रिक नीतिमार्फत यस्तो दर ४. ५ प्रतिशतको सीमाभित्र कायम राख्नुपर्ने व्यवस्था गरेको छ।

सुमार्गी स्वामित्वको ‘हेलो नेपाल’को लाइसेन्स खारेज - 2019-08-19

काठमाडौ,(प्रस)नेपाल स्याटेलाइट टेलिकम कम्पनीको अनुमतिपत्र खारेज भएको छ । यो दूरसञ्चार कम्पनी अजेयराज सुमार्गी स्वामित्वको हो । यो कम्पनीले ‘हेलो नेपाल’ ब्राण्डमा मोबाइल सेवा दिइरहेको छ ।

सुन तोलाको ७० हजार - 2019-08-08

काठमाडौ,(प्रस)बिहीबार सुनको भाउ पुनः ५ सय रुपैयाँ बढेको छ । नेपाल सुनचाँदी व्यवसायी महासंघका अनुसार सुनको भाउ तोलामा ५ सय बढेर ७० हजार रुपैयाँ पुगेको हो ।

उत्तर कोरियाले ह्याक गरेर २ अर्ब डलर लिएको संयुक्त राष्ट्रसंघको आरोप - 2019-08-07

उत्तर कोरियाले पछिल्लो समय लगातार छोटो दूरीका क्षेप्यास्त्र प्रहार गरिरहेको छ।अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच कोरियाली प्रायद्वीपलाई अनआणविकीकरण गर्नेबारेको वार्तामा प्रगति नभएपछि पछिल्लो समय उत्तर कोरियाले आफ्नो आणविक कार्यक्रमलाई तीव्रता दिएको हो।उत्तर कोरियाले पछिल्लो समय लगातार छोटो दूरीका क्षेप्यास्त्र प्रहार गरिरहेको छ।अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच कोरियाली प्रायद्वीपलाई अनआणविकीकरण गर्नेबारेको वार्तामा प्रगति नभएपछि पछिल्लो समय उत्तर कोरियाले आफ्नो आणविक कार्यक्रमलाई तीव्रता दिएको हो।

लोडसेडिङ हटाएका कुलमानको कमाल: चक्रव्यूहमा फसेको माथिल्लो त्रिशूली थ्री ए निर्माण सकेर संचालन - 2019-08-03

काठमाडौ,(प्रस)नेपालमा काम गर्नेभन्दा बढी गफ गर्ने र हल्ला गर्नेलाई बढी राम्रो मान्ने प्रचलन छ। यस्तो प्रवृत्तिले आम नेपालीलाई नराम्ररी गाँजेको छ। अप्ठ्यारो परेका बेला भाग्ने र सहज भएका बेला आफैले सबैभन्दा राम्रो काम गरेको भन्दै प्रचार गराउने तथा जश लिने प्रवृत्ति पनि उत्तिकै व्याप्त छ। त्यसकाविपरीत पछिल्ला दिनमा काम गर्ने संस्कार पनि स्थापित हुन थालेको छ। राम्रो काम गर्ने मान्छे क्रमशः पुरस्कृत हुनसमेत थालेका छन्। एकाध मान्छेले चाहँदा धेरै ठूलो फरक पर्छ।

चार अर्बको अलैँची निर्यात - 2019-07-31

काठमाडौ,(प्रस)नेपाल अलैँची व्यवसायी महासङ्घले अलैँची निर्यातबाट मुलुकले एक वर्षमा चार अर्ब बराबरको विदेशी मुद्रा आर्जन गरेको जनाएको छ। आर्थिक वर्ष २०७५/७६ मा चार हजार ७०० मेट्रिक टन अलैँची नेपालबाट निर्यात भएको र त्यसबाट रु चार अर्ब बराबरको विदेशी मुद्रा आएको महासङ्घका अध्यक्ष राजु कार्कीले बुधबार पत्रकार सम्मेलन गरी जानकारी दिए। अधिकांश अलैँची नेपालको पूर्वी पहाडमा उत्पादन हुन्छ र काँकडभिट्टा, विराटनगरलगायत देशभरका नाकाबाट भारत तथा तेस्रोमुलुक निर्यात हुने गरेको छ। प्र

२० बर्षदेखि बिग्रिएको बासुलिङ सुगर मिलको ऋण पुनर्संरचना साउनभित्रै - 2019-07-31

काठमाडौ,(प्रस)लामो समयदेखि खराब अबस्थामा रहेको बासुलिङ सुगर एण्ड जनरल इन्डष्ट्रिज कम्पनीको ऋण पुनर्संरचना हुने भएको छ। कृषि विकास बैंकको नेतृत्वमा राष्ट्रिय बाणिज्य बैंक (गाभिएको एनआइडिसीसमेत), नेपाल बैंक र कर्मचारी सञ्चय कोषले कम्पनीलाई ऋण दिएका थिए। उनीहरुले साउनभित्रै यो ऋणलाई पुनर्संरचना गरी नियमित ब्याज र किस्ता बुझाउने सक्ने बनाउन लागेका हुन्।

चेक बाउन्स फैसलामा पुनरावलोकनमा जाँदै सरकार - 2019-07-31

काठमाडौ,(प्रस) महान्यायाधिवक्ता कार्यालय चेक अनादर (बाउन्स) को मुद्दा बैङ्किङ कसुर नहुने फैसलाको पुनरावलोकनमा जाने भएको छ।

८ नेपाली विमानस्थल चीनका लागि खुला - 2019-07-26

काठमाडौ,(प्रस)नेपाल र चीनबीच हवाई सेवा सम्झौता पुनरावलोकन भएको छ । चीनको बेइजिङमा बिहीबार र शुक्रबार भएको द्विपक्षीय वार्तापछि सम्झौता पुनरावलोकन भएको हो ।

मूल्य अस्वभाविक रुपमा बढाइएपछि तरकारी बजारमा विभागको अनुगमन, दर्जन बढीलाई कारबाही सिफारिस - 2019-07-19

बाढी र पहिरोलाई कारण देखाउँदै पछिल्लो केही दिनदेखि तरकारी तथा फलफूलको मूल्य एक्कासि बढाइएको छ ।बल्खु र कालीमाटीको तरकारी तथा फलफूल बजारमा वाणिज्य विभागले आकस्मिक अनुगमन गरेको छ । शुक्रबार बिहान ३ बजेदेखि अनुगमन गरिरहेको विभागले हालसम्म दर्जन बढी पसलमाथि कारबाही सिफारिस गरेको छ । तरकारीको मूल्य अस्वभाविक रुपमा बढाइएको गुनासोपछि बल्खु र कालीमाटीको बजार अनुगमन गरिएको वाणिज्य आपूर्ति तथा उपभोक्ता संरक्षण विभागका महानिर्देशक योगेन्द्र गौचनले जानकारी दिए ।

जुनार क्षेत्रमा पहिरो - 2019-07-13

सिन्धुली,(प्रस): देशर परेको अविरल वर्षाका कारण जनधनको क्ष्ति व्यहोरोका बेला सिनधुलीका जुनार किसानले भने फल्दै गरेको जुनारको बोटहरु गुमाएका छन् । सिन्धुलीको गोलन्जोर गाउँपालिकाको चिसापानीमा रहेका जुनार किसान योगेन्द्र थापाको एक सय वोट जुनार वगैचामा पहिरो गएको छ ।

तरकारीमा विषादीको प्रयोग भयावह नभएको कृषिमन्त्री खनालको दाबी - 2019-07-12

प्रदेस संवाददाता, काठमाडौंकृषिमन्त्री चक्रपाणि खनालले शुक्रबार कालिमाटी तरकारी बजारअन्तर्गत रहेको केन्द्रीय कृषि प्रयोगशालाको निरीक्षण गरेका छन् । पछिल्लो समय भारतबाट आयात हुने तरकारी तथा फलफूलमा विषादी परीक्षण गर्ने आफ्नै निर्णयबाट पछि हटेपछि सरकार आलोचित भएको छ ।

अहिले तरकारीमा विषादीको प्रयोग भयावय नभएको कृषिमन्त्री चक्रपाणि खनालको दाबी - 2019-07-12

प्रदेस संवाददाता, काठमाडौंकृषिमन्त्री चक्रपाणि खनालले शुक्रबार कालिमाटी तरकारी बजारअन्तर्गत रहेको केन्द्रीय कृषि प्रयोगशालाको निरीक्षण गरेका छन् । पछिल्लो समय भारतबाट आयात हुने तरकारी तथा फलफूलमा विषादी परीक्षण गर्ने आफ्नै निर्णयबाट पछि हटेपछि सरकार आलोचित भएको छ ।










Powered by: Exclusively Solution