जापान समाचार




जापान रोजगारी : कामदार पठाउन ‘गोप्य’ छलफल गरिँदै


काठमाडौ,(प्रस):
रोजगारीको आकर्षक गन्तव्य मानिएको जापानमा नेपाली कामदार पठाउन छलफललाई तीव्रता दिइएको छ । नेपाली र जापानी पक्षबीच कामदार पठाउनेबारे गम्भीर ढङ्गले गृहकार्य चलिरहेको श्रम, रोजगार तथा सामाजिक सुरक्षा मन्त्रालय स्रोतले जनाएको छ ।

यस विषयमा गत माघ ३ गते जापानी पक्षसँग औपचारिक रूपमै छलफलसमेत भएको थियो । सो क्रममा जापानी पक्षले नेपालीलाई जापान लैजाने विषयमा अन्तिम टुङ्गो नलागेसम्म आफ्ना भेटवार्ताका विषय गोप्य राख्न भनेपछि श्रम रोजगार तथा सामाजिक सुरक्षा मन्त्रालयले पनि यस विषयमा भएका प्रगतिलाई बाहिर ल्याउन चाहिरहेको छैन । 


स्रोतका अनुसार वैदेशिक रोजगारका अन्य गन्तव्यभन्दा उत्कृष्ट मोडलमा कामदार पठाउने सरकारको तयारी छ ।


श्रम मन्त्रालयका एक उच्च अधिकारीका अनुसार जापानले आफ्नो देशमा कामदार भित्र्याउन विभिन्न नौ देशसँग छलफल गरिरहेको छ । 


सोही आधारमा एक मुलुकसँग भएका छलफलको निर्णय अर्को देशले अहिले नै थाहा पाउँदा बार्गेनिङ गर्न सक्ने भएकाले जापानी पक्षले यो विषयमा कुनै कुरा बाहिर नल्याउन मन्त्रालयलाई आग्रह गरेको हो । 


मन्त्रालयका ती अधिकारी पनि उनीहरूको सम्मान स्वरूप आफूले छलफलका विषय सार्वजनिक गर्न नसक्ने बताउँछन् । 


यद्यपि, उनका अनुसार यसबीचमा मन्त्री गोकर्ण विष्टले पनि जापानी राजदूतसँग पटक पटक भेट गरिसकेका छन् । 


छलफलका क्रममा श्रमिक ठगिन नपरोस् र नेपाली कामदारको सुरक्षा तथा सेवासुविधा राम्रो होस भन्ने नेपालको चहना रहेको मनत्री विष्टले प्रष्ट पारेका छन् । 


यदि  जापान र नेपालबीच सहमति भएर नेपाली कामदार जापान गए भने उनीहरू जाने मोडल अहिलेसम्मकै उत्कृष्ट हुने मन्त्रालय श्रोतको दाबी छ ।  


विकसित मुलुक जापान मानव अधिकारको हिसाबले निकै सुरक्षित र सामाजिक सुरक्षाको हिसाबले पनि उत्कृष्ट देश हो । 


अन्य ठाउँभन्दा कामदारले गर्ने मिहेनेतको पाटो एउटा भए पनि न्यूनतम तलब सुविधा, मानव अधिकारको अवस्था र अन्य सामाजिक सुरक्षाको अवस्थालगायतका हिसाबले धेरै उन्नत रहेको छ ।


वैदेशिक रोजगारका लागि जापान जान पाइने भनेपछि अहिले धेरैमा जापानीज भाषाको मोह निकै बढेको छ । 


भाषा सिकिराखे जापान रोजगार खुल्ने बित्तिकै  जान पाइने बुझाइ छ । मन्त्रालयका ती अधिकारी वैदेशिक रोजगारमा जापानका विषयमा अन्य विवरण सार्वजनिक गरे कन्सल्टेन्सीले जापानिज भाषालाई कमाइ खाने भाँडो बनाउन सक्ने भन्दै सोप्रति सचेत रहेको उल्लेख गरे । 


उनका अनुसार अहिले कतिपय कन्सल्टेन्सीले यही नाममा भाषा पढाउन थालेको जानकारी आफूहरूले पाएको बताए । 


यता, कोर्स के हुने, कुन–कुन क्षेत्रका लागि कामदार कति लैजाने, भर्ना प्रक्रिया भने टुङ्गो लाग्न बाँकी छ । हाल विद्यार्थी भिसामार्फत धेरै नेपाली जापानमा छन् ।


विद्यार्थी भिसा सहजै पाइने भएकाले सोही भिसालाई नेपालीले जापान प्रवेशको माध्यम बनाउँदै आएका छन् । पछिल्लो समय नेपालीको लागि जापान आर्कषक गन्तव्य बनेको छ । 


जापान सरकारले आफ्नो स्वेतपत्रमार्फत जापानमा २० वर्षदेखि कामदारको अभाव हुँदै गएको र त्यो अभाव पछिल्लो समय झन् चुलिँदै गएको भनेको थियो । 


अहिले जापान सरकार अभाव भएको कामदार परिपूर्तिका लागि नेपालसहित विभिन्न देशसँग आफ्ना देशमा कामदार लैजाने विषयमा चरणबद्ध रूपमा छलफल गरिरहेको छ । 


जापान आगामी मार्चदेखि कामदार आफ्नो देश भित्र्याउने योजनामा छ । 


विदेशी कामदार भित्र्याउन जापान सरकारले सन् २०१९ का लागि १६ दशमलब ३ अर्ब जापानी येन बजेट छुट्याएको छ । जापानले विभिन्न १४ वटा क्षेत्रका लागि विदेशी कामदार लैजाने नीति कार्यान्वयनमा ल्याएको हो । 


नर्सिङ केयर, रेष्टुरेन्ट, निर्माणलगायतका क्षेत्रमा विदेशी कामदारको माग बढी भएकाले जापान सरकारले सो क्षेत्रलाई बढी प्राथमिकता दिएको छ । 


कम्तीमा ३ लाख ४५ हजार १ सय ५० आप्रवासी कामदारलाई रोजगार भिसाअन्तर्गत आफ्नो देशमा भित्र्याउने जापान सरकारको लक्ष्य रहेको छ । सुरुमा अप्रिल महिनादेखि नर्सिङ केयर, लजिङ तथा रेष्टुरेन्टका लागि भाषा परीक्षा लिइने योजना छ । बाँकी ११ क्षेत्रमा सन् २०२० को मार्चसम्म क्रमशः परीक्षा लिइने बताइएको छ ।




Related Pictures:













Related News:

उपलब्धिको रक्षा र समृद्धिका लागि जुटनुपर्छ स् माधव नेपाल - 2019-08-17

संविधान संशोधनको सर्तमा दुई तिहाइ पुर्‍याउन सत्तामा गएका हौं : उपेन्द्र यादव - 2019-08-17

पार्टी एकता नगरेको भए विकल्पहरू रहिराख्थे कि! : प्रचण्ड - 2019-08-17

कांग्रेस र कम्युनिस्ट पुराना पार्टी : अध्यक्ष भट्टराई - 2019-08-16

नेकपाका विभाग प्रमुखहरु (सूचीसहित) - 2019-08-16





केयरगिभरका लागि ५ जना स्टाफ नर्स जापान उडे - 2019-07-31

काठमाडौ,(प्रस)काठमाडौं ओभरसिजले पाँच जना महिलालाई पहिलो पटक केयरगिभरको कामका लागि जापान पठाएको छ । जापानमा वृद्धवृद्धाहरुको हेरचाहको लागि धेरै केयरगिभरहरुको आवश्यकता भएकोले काठमाडौं ओभरसिजले औपचारिक रुपमा जापान पठाउन शुरु गरेको हो ।

जापान जाने कामदारका लागि कात्तिकमा भाषा र सीप परीक्षा - 2019-07-22

काठमाडौ,(प्रस)जापान जाने नेपाली कामदारका लागि कात्तिक ११ र १२ मा भाषा परीक्षा हुने भएको छ । जापान सरकारसँग भएको सम्झौताअुनसार पहिलो चरणमा 'कियर गिभर'का लागि लौजान भाषा परीक्षाको तयारी भएको श्रम रोजगार तथा सामाजिक सुरक्षा मन्त्रालयले जनाएको छ । भाषा परीक्षाणमा उत्तिर्ण भएकाहरुका लागि कात्तिक २१ र २२ मा सिप परिक्षण गर्ने मन्त्रालयले तयारी गरेको छ ।

दुई देशमा परीक्षण गरेपछि मात्रै नेपालमा जापानिज भाषा परीक्षा - 2019-04-25

प्रदेस संवाददाता, काठमाडौंदुई देशले कामदार आपूर्तिबारे समझदारी पत्रमा हस्ताक्षर गरे पनि जापानले अझै भाषा परीक्षाको मोडालिटी टुंगो लगाएको छैन । श्रम, रोजगार तथा समाजिक सुरक्षा मन्त्रालयका सचिव महेश दाहाल जापानले भाषा परीक्षा र भर्ति प्रक्रियाका विषयमा गहृकार्य गरिरहेकाले कामदार लैजाने प्रक्रिया र मितिबारे एकीन भइनसकेको बताउँछन् ।

जापानको प्राथमिकता केयर गिभर र क्लिनर - 2019-04-07

काठमाडौ,(प्रस): नेपाली श्रमिक माग गर्ने सम्बन्धमा नेपाल र जापानबीच श्रम समझदारी (एमओसी) भएसँगै जापानका रोजगारदाताले केयर गिभर र क्लिनिङ क्षेत्रमा नेपाली युवा लैजाने सम्बन्धमा छलफल अघि बढाएका छन् । दुई देशबीच चैत ११ मा श्रम समझदारी भएपछि प्राविधिक टोलीले कस्ता श्रमिक लैजाने भन्ने सम्बन्धमा छलफल गरिरहेका बेला जापानका नर्सिङ र सफाइ क्षेत्रका रोजगारदाताले नेपाली पक्षसँग अनौपचारिक छलफल अघि बढाएका छन् ।

नेपाली कामदार जापान पठाउने समझदारीमा केही दिनभित्रै हस्ताक्षर हुँदै - 2019-03-22

प्रदेस संवाददाता, काठमाडौंजापानले नेपाली कामदार लैजान प्रारम्भिक समझदारी गर्ने भएको छ। नेपालका लागि जापानी राजदूत र श्रम मन्त्रालयका सचिव महेशप्रसाद दाहालले समझदारीमा हस्ताक्षर गर्ने तयारी गरेका हुन्। मन्त्रिपरिषद्को बैठकले दाहाललाई समझदारीमा हस्ताक्षरका लागि स्वृकिति प्रदान गरिसकेको छ। ‘केही दिनभित्रै समझदारीमा हस्ताक्षर हुँदैछ, श्रम मन्त्रालय स्रोतले भन्यो, ‘समझदारीको विषय टुंगो लागेको छ। मिति तय हुन भने बाँकी छ।’

नेपालले जापानसँग माग्यो भाषा परीक्षाको ‘कोर्स’ - 2019-03-04

काठमाडौ,(प्रस): नेपालले कामदारका लागि भाषा परीक्षाको ‘कोर्स’ स्पष्ट गरिदिन जापानसँग आग्रह गरेको छ । जापानी भाषा सिकाउने इन्स्टिच्युटले यसका नाममा ठगी गर्न सक्ने र कामदारलाई पनि अन्योल हुने भएकाले भाषा परीक्षाको सम्भावित कोर्स उपलब्ध गराउन नेपाल सरकारले आग्रह गरेको हो । जापानले पठाएको समझदारीको मस्यौदामा जापानले भाषा परीक्षाको चौंथो तहसम्म पास हुनेलाई कामदारका रुपमा लैजाने उल्लेख छ । हाल जापान पढ्न जाने विद्यार्थीले ५ औं तहको परीक्षा पास गर्छन् ।

जापानी पत्रकारलाई युद्धग्रस्त यमन जान रोक, पासपोर्ट सरकारलाई बुझाउन आदेश - 2019-02-06

टोकियो,(प्रस): जापान सरकारले रिपोर्टिङका लागि युद्धग्रस्त यमन जान लागेका एक जना वरिष्ठ पत्रकारको पासपोर्ट सरकारलाई बुझाउन आदेश दिएको छ । गत वर्ष सिरियामा विद्रोहीको कब्जाबाट एक जना जापानी पत्रकार मुक्त भएर जापान फर्किएलगत्तै युद्धग्रस्त क्षेत्रमा रिपोर्टिङका लागि जापानी पत्रकारलाई जान अनुमति दिने वा नदिने भन्नेमा जापानमा चर्को बहस भएको जापान टूडे अंग्रेजी समाचारपत्रको अनलाइन संस्करणले समाचार छापेको छ ।

जापान रोजगारी : कामदार पठाउन ‘गोप्य’ छलफल गरिँदै - 2019-02-01

काठमाडौ,(प्रस): रोजगारीको आकर्षक गन्तव्य मानिएको जापानमा नेपाली कामदार पठाउन छलफललाई तीव्रता दिइएको छ । नेपाली र जापानी पक्षबीच कामदार पठाउनेबारे गम्भीर ढङ्गले गृहकार्य चलिरहेको श्रम, रोजगार तथा सामाजिक सुरक्षा मन्त्रालय स्रोतले जनाएको छ ।

नेपाल-जापान हवाई सम्झाैता आजदेखि लागू - 2019-01-10

नेपालले हालसम्म ३९ देशसँग हवाई सम्झौता गरेको छ। नेपाल र जापानबीच असार १४ मा पुनरावलाेकन भएकाे हवाई सम्झाैता आजदेखि लागू भएकाे छ। दुई देशका पराराष्ट्र मन्त्रीहरूले कुटनीतिक नाेट एक्सचेन्ज गरेसँगै समझदारी लागू भएकाे हाे। आज काठमाडौंमा आयाेजित समाराेहबीच परराष्ट्र मन्त्री प्रदीपकुमार ज्ञवाली र उनका जापानी समकक्षी कोनोबीच उक्त नाेट हस्तान्तरण भएकाे हाे।

जापानमा रोजगारी: कडा परिश्रम, राम्रो आम्दानी - 2019-01-08

युवराज गौतम:रोजगारीका सिलसिलामा दैनिक सयौं नेपाली बिदेसिरहेका छन् । पछिल्ला केही वर्षमा नयाँ पुस्ताका जनशक्ति विद्यार्थी भिसामा अमेरिका, जापान, अस्ट्रेलिया, युरोप आदि देश पुग्ने क्रम पनि बढिरहेको छ । श्रम स्वीकृति लिएर वैदेशिक रोजगारीमा जानेहरूको संख्या पनि दैनिकजसो बढिरहेको छ ।

निसानका पूर्व अध्यक्ष जापान अदालतमा उपस्थित - 2019-01-08

एजेन्सी : भ्रष्टाचार आरोपमा थुनामा रहेका निसान कम्पनीका पूर्व अध्यक्ष कार्लोस गोउन पहिलो पटक मङ्गलबार टोकियो अदालतमा उपस्थित भएका छन् । अदालतमा बयानका क्रममा उनले आफू निर्दोष रहेको र कुनै अपराध नगरेको दाबी गरेको अदालतले जनाएको छ । गोउनलाई कम्पनीको गलत वित्तीय रिपोर्टिङको आरोपमा गत नोभेम्बर १९ मा पक्राउ गरिएको थियो ।

नेपाली कामदार जापान पठाउने प्रक्रिया सुरु, जापानबाट एक प्राविधिक समूह छिट्टै नेपाल आउने - 2019-01-08

काठमाडौ,(प्रस): नेपाली कामदार जापान पठाउने प्रक्रिया सुरु गर्ने सम्बन्धमा छलफल भएको भएको छ। जापानको मन्त्रिपरिषद्ले केही समयअघि आप्रवासी कामदार लैजानेसम्बन्धी नीतिगत मापदण्ड अनुमोदन गरेसँगै नेपाली कामदार जापान पठाउन द्विपक्षीय छलफल सुरु भएको हो। यस विषयमा सोमबार श्रम, रोजगार तथा सामाजिक सुरक्षा मन्त्री गोकर्ण विष्ट र जापानी राजदूत मासामिची सेइगोबीच भेटवार्ता भएको छ।

सरकारले भन्यो, जापानका नाममा ठगी सुरु , राहदानी र पैसा कतै नबुझाउनू - 2019-01-02

काठमाडौ,(प्रस): जापानले नेपाललाई श्रमिकको स्रोत मुलुकका रुपमा राख्ने बित्तिकै बजारमा त्यसकै नामा ठगी सुरु भएको छ । विभिन्न म्यानपावर कम्पनी, कन्सल्टेन्सी, तिनका एजेन्ट र भाषा सेन्टररुले आफैंले जापान पठाइदिने भन्दै विज्ञापनसम्म प्रकाशित गर्न भ्याइसकेका छन् । सरकारले भने कामदारहरुलाई जापान पठाउने नाममा देखाइने कुनै पनि किसिमका प्रलोभनमा नपर्न आग्रह गरेको छ । वैदेशिक रोजगार विभागले सूचना नै प्रकाशित गरेर त्यस्तो भ्रममा नपर्न सचेत गराएको छ ।

जापानी विदेश मन्त्री तारो कोनो नेपाल आउने - 2018-12-28

जापानी विदेश मन्त्री तारो कोनो २ दिने भ्रमणमा लागि नेपाल आउने भएका छन्। परराष्ट्र मन्त्री प्रदीप ज्ञवालीको निमन्त्रणामा कोनोले पुस २५-२६ गते नेपालको भ्रमण गर्ने परराष्ट्र मन्त्रालयले जनाएको छ।

नेपाली कामदारलाई जापानमा रोजगारीको बाटो खुल्यो - 2018-12-25

दक्षिण कोरियाको ईपीएस मोडलमा नेपाली कामदार भित्र्याउने नेपालको प्रस्तावनेपाली कामदारहरु अब रोजगारीका लागि जापान जान पाउने भएका छन् । जापान सरकारले मंगलबार विदेशी कामदार भित्र्याउने उद्देश्यसहित नीतिगत प्याकेजको घोषणा गरेको छ । यसअन्तर्गत देशभर एक सय वटा परामर्श केन्द्र खोलिने छ, जसले नेपाली सहित ११ भाषामा सहायता प्रदान गर्नेछन् ।

जापानमा दर्शक बटुल्दै ‘छक्का-पञ्जा-३’ - 2018-12-05

जापान,(प्रस): नेपाली चलचित्र ईतिहासमा रेकर्ड बनाएको छक्का पञ्जा चलचित्र सेरिज छक्का पञ्जा ३ जापानको फुकुओकामा पनि प्रस्तुत हुने भएको छ । जापानका विभिन्न शहरहरुमा प्रदर्शन भइरहेको उक्त चलचित्र फुकुओकाको च्युओ सिमिन सेन्टरमा ८ डिसेम्बर शनिबारको दिन प्रदर्शन हुने भएको हो । उक्त चलचित्रको टोकियोमा प्रदर्शन भइसकेको छ । दर्शकले अत्यधिक रुचाएपछि त्यहाँ डिसेम्बर २३ को साँझ ६ बजे उक्त चलचित्रको पुनः प्रदर्शन गर्न लागिकएकव वितरण सूर्य कर्पोरेसनले जनाएको छ ।

रक्सी पिउँदै झगडा गर्दै - 2018-12-03

टोक्यो,(प्रस): वैदेशिक रोजगारीको शिलशिलामा जापान पुगेर राम्रो आम्दानी गर्ने सपना वोकेर गएकाहरु मादक पदार्थ सेवन गरेर बीच सडकमै आफ्ना साथीहरुमाथि जाइ लाग्दा रहेछन् भन्ने दृश्य केही दिन अगाडि टोक्यो स्थित कामतामा देखियो । जुन घटनाले जापानमा रहेका नेपालीहरुलाई लज्जित पनि बनायो ।

नेपाल-जापान संवादको दोस्रो श्रृंखला कृषिमा केन्द्रित - 2018-11-28

टोक्यो,(प्रस):नेपाल-जापान डाइलग सिरिजको दोस्रो श्रृ‌खला यही डिसेम्बर १ मा इतो रिसर्च हल टोक्यो युनिभर्सिटीमा हुने भएको छ । जापानमा रही विभिन्न क्षेत्रमा काम गरिरहेका नेपालीको आयोजना र नेपाली राजदूतबास जापानको सहयोगमामा उक्त कार्यक्रम हुने भएको हो ।

जापानले सुरू गर्दैछ कोटेश्वरको जाम हटाउन सुरूङको अध्ययन - 2018-11-28

काठमाडौ,(प्रस): राजधानीको कोटेश्वर क्षेत्रमा जाम कम गर्न सुरूङ मार्ग बनाइनेछ। कोटेश्वरबाट भक्तपुर जाने बाटोमा सुरूङ मार्ग बनाउन जापानले अध्ययन गर्दैछ। सडक विभागको विकास सहायता समन्वय महाशाखाका प्रमुख सञ्जयकुमार श्रेष्ठले एक महिनापछि सुरूङको अध्ययन गर्ने जानकारी दिए। ‘जापानी टिमले अध्ययन गर्दैछ, अध्ययनपछि कहाँदेखि कहाँसम्म बनाउने टुंगो लाग्छ,’ श्रेष्ठले भने, ‘कोटेश्वरको जाम हटाउन अस्थायी संरचना पनि बनाउन लागेका छौं।’

जापानमा नेपालीलाई हैरानी, गलत काम गर्नेलाई दिइयो जुम्मी भिजा ! - 2018-11-17

महेन्द्रप्रसाद सापकोटा, टोक्योजापानी इमिग्रेशनले अहिले नेपाली कामदारहरुले गैर कानूनी रुपमा काम गरेको भन्दै ‘जुम्मी भिजा’ दिन थालेको छ । एक लाख भन्दा बढी नेपालीहरु रहेको जापानमा स्टुडेण्ट र डिपेन्डीङमा रहेर तोकिएभन्दा बढी काम गर्ने र एउटा कम्पनीमा गएर त्यसमा काम नगरी अर्को कम्पनी चाहार्ने कुकहरुलाई जुम्मी भिजा दिन थालेको छ ।

नेपाली कामदार जापान पठाउनेबारे छलफल हुन्छ : मन्त्री ज्ञवाली - 2018-11-14

काठमाडौ,(प्रस): जापानको श्रम बजारमा नेपाली कामदारलाई रोजगारी दिलाउन सरकारले पहल गर्ने भएको छ । जापानमा दक्ष र अदक्ष नेपाली कामदारको लागि रोजगार सम्झौता गर्न सकिने अवस्था रहेको परराष्ट्रमन्त्री प्रदीप ज्ञवालीले बताए । परराष्ट्र मन्त्रालयमा बुधबार आयोजित नियमित पत्रकार सम्मेलनमा मन्त्री ज्ञवालीले यसै साता हुने आफ्नो जापान भ्रमणका क्रममा नेपाली कामदारलाई जापानको श्रम बजारमा रोजगारी दिलाउनेबारे छलफल हुने बताए ।










Powered by: Exclusively Solution